قصه جديده بقلم_إيناس_طه
انت في الصفحة 1 من 13 صفحات
أنا معجب بيكي وبحبك أوي يا عالية
استغربت لما لقيت الرسالة دي مبعوتة من رقم غريب
كنت محتارة أرد ولا لا
سيبتها ومرضيتش أرد وبعد شوية اتبعتت رسالة تانية
نفسي بس تديني فرصة واحدة
بصراحة مقدرتش أمسك نفسي أكتر من كده
فضولي كان قاتلني أعرف مين اللي بيبعت روحت رديت وبعت
أنت مين
علي العموم أنا مين هتعرفي لما أشوفك بكرة
عالية وأنت بقي متخيل إن هوافق أقابلك
مجهول لا طبعا
أنا اللي هقابلك وهاجيلك لحد عندك علشان تعرفي أنا مين
أشوفك بكرة بقي..سلام
عالية تيجي فين أنت مچنون
لقيته قفل من غير ما يرد اتعصبت وعملت بلوك
عالية لنفسها ده إنسان مش طبيعي قال هاجيلك قال
عالية 20 سنة بتدرس في كلية تربية بنت رقيقة وهادية جدا انطوائية أحيانا والدها مسافر وعايشة هي ووالدتها بس وعندها أخ وأخت أكبر منها متجوزين وعايشين برة مصر
تاني يوم الصبح عالية جهزت وراحت الكلية
كانت قاعدة هي و ملك زميلتها في الكافتيريا وجاتلها رسالة من رقم جديد
و أه إبقي شيلي البلوك...سلام
عالية اتوترت و خاڤت أكتر كانت فاكرة إنه حد بيهزر وخلاص وانها خلصت منه
ملك في إيه يا بنتي مال وشك مخطۏف كده ليه
عالية هااا لا مفيش حاجة
ملك بشك متأكدة
عالية أه
عالية وملك اتصاحبوا من فترة قصيرة اتعرفت عليها في الكلية بس لسة مبقيتش صاحبتها أوي لدرجة إنها تحكيلها كل حاجة خاصة بيها و لسة مش متعودة عليها
خرجت من تفكيرها لما شافت مازن وده شاب معاها في نفس الكلية بس أكبر منها ب سنتين
بالنسبالها شاب وسيم و كاريزما وحاجة كده زي بتوع المسلسلات التركي و وبنات كتير ھتموت عليه...
بس في نفس الوقت بتقعد تفوق نفسها من الوهم
اللي عايشاه و عارفة ان عمره ما يسيب كل البنات اللي حواليه ويعجب بيها هي
بتحاول كتير تمنع نفسها من التفكير فيه علشان متتعلقش بيه أكتر...بس مش بتقدر
و علشان كده مش حابة ترتبط بحد تاني
