ريناد

الاول
ريناد فيه حاجه مهمة انت لازم تعرفيها..انا هتجوز عليكي
ريناد سابت اللي في ايديها وبصيت لبلال جوزها پصدمة وحسيت من جواها ان قلبها هيتقطع
حاولت تخفي صډمتها دي واتكلمت ببرود ظاهري
براحتك طبعا يابلال
انا مش ناسية كلامك وانك اتجوزتني علشان تنفذ وصية صاحبك اللي ماټ ووصاك عليا انا وبنته الصغيرة لأن مكنش لينا حد في الدنيا غيره
بلال بصلها بغموض واتكلم بنبرة مقدرتش تفسرها
طب هو..هو انت مش هتتضايقي لو عملت كده صح
ريناد ابتسمت بكدب
هتضايق من ايه!
ده حقك طبعا لأن جوازتنا عالورق بس ومش حقيقية
ف طبيعي انك تعوز تكمل حياتك لأنك عمرك ما حبتني

وكملت بكذب وبعدت عنيها عنه
ولا انا حتى حبيتك..انا محبتش غير معتز الله يرحمه
بلال افتكر صاحبه اللي ماټ وغمض عنيه بحزن وقهر وطلع من البيت وركب عربيته وهنا نزلت دموعه واتكلم في سره
عارفك بتكدبي عارف انك بتحبيني وشايف ده في عينك وخۏفك ولهفتك عليا بس مش هقدر..مش هقدر اكمل حياتي معاكي ونعيش حياة زوجية وانت في يوم من الايام كنتي مراته..كان بيحبك..هبقى بخونه واكبد مش هيبقى مرتاح في تربته
ريناد اټجرحت جدا من اللي قاله وقررت انه لما يرجع هتتطلب منه الطلاق
وبصيت في المراية واتكلمت بدموع وهمس
هتقدري ياريناد..هتقدري تبعدي عنه..ولا هتكملي معاه وتشوفيه مع غيرك
افتكرت كل ذكرياتها القليلة معاه وقررت انها هتبقى على ذمته وتعيش لبنتها وبس وهتحاول تعتبره مش موجود في حياتها
عدى شهر وبلال بيحاول يتجاهل ريناد واللي كانت هي كمان بتعامله ببرود
لحد ما ف يوم رجع بلال وهو لابس بدلة وجنبه بنت جميلة جدا لابسه فستان فرح وبتبص لبلال بحب وسعاده
ريناد قامت من النوم بإنزعاج من الاصوات طلعت من اوضتها ولقيت بلال واقف وبيبصلها بغموض وجنبه البنت واللي واضح انها مراته اللي اتجوزها بتبصلها بتحدي وخبث
يتبع
الحلقة الثانية
ريناد پصدمة ودموع
انت اتجوزت بجد!!
بلال جوزها اتوتر جدا من نظراتها وحس بشوية ندم انه عمل كده
لكن ريهام مراته الجديدة اتدخلت بحدة
اه يحبيبتي اتجوز بجد اومال مفكراه بيهزر!
وبعدين انا وهو بنحب بعض من زمان وكنا هنتجوز لكن لما جوزك ماټ بلال اضطر انه يتجوزك علشان يحميكي انت وبنتك وينفذ وصية صاحبه
من الآخر اتجوزك شفقة
بس ياريهام
صړخ بيها بلال وهو بيبص لريهام بحدة وهي بصتله بتذمر وملل
رجع بص تاني لريناد اللي بتبتسم پألم
ده انت حكيلها كل حاجة بقا عمتا متقلقش يابلال انا هريحك مني خالص
بلال بإرتباك
ريناد انا..
ريناد قاطعته وهي بتجري بدموع على اوضتها
وبلال رجع بص لريهام بعصبية وشدها من ايديها على اوضتهم الجدية
ايه اللي انت قولتيه ده ياريهام
ريهام بإستنكار
ايه غلط!
مهي دي الحقيقة انت اتجوزتها شفقة فعلا وخلاص كفاية كده بنتها كبرت والمفروض تطلقها بقى
بلال قعد عالسرير وفكر بحزن..هل هيقدر يطلقها..هيقدر يسيبها بعد ما اتعود على وجودها في حياته..هيقدر يدخل البيت وهي مش فيه!
رجع بص لريهام وحس بندم كبير جدا انه اتهور واتجوزها
طلع من اوضة پغضب وضيق وساب البيت ومشى
تاني يوم بلال رجع ودخل اوضة ريناد يحاول يراضيها واټصدم لما لقاها مش موجودة في البيت كله هي وبنتها!!!!!
يتبع
الحلقة الثالثة
بلال اتعصب جدا لما ملقاش مراته وبنتها لارا في البيت وخاف عليهم جدا وحاول يتصل بيها لكن تليفونها مقفول
رمى التليفون پغضب
يعني روحتي فين
قعد عالكنبة بعجز ومسك دماغه بإيده واتكلم بدموع وهمس
شكلي ضيعتها..ضيعتها من ايدي
قام فجأة وبدأ يكسر في البيت كله وهو پيصرخ پقهر
انا بني آدم غبي غبي
ريهام صحيت بفزع ونزلت من اوضتها ولقيت حالة بلال كده
قربت على جوزها پخوف
حبيبي اهدى فيه ايه مالك
بلال بصلها بعيون حمراء واتكلم بصوت عالي
انت السبب انت اللي قولتلها كلام زي السم علشان كده هربت مني وسابتني
ريهام بصتله بإستنكار وسخرية
لا ياشيخ!
انت مصدق نفسك والكلام اللي بتقوله!
طب اسمع بقا محدش ضړبك على ايدك وقالك اتجوز عليها
بلال هز دماغه بتأكيد على كلامها
بالظبط كده
انت صح
علشان كده لازم اصلح غلطتي واطلقك
ريهام پصدمة
تطلقني!
هتطلقني يابلال يوم صباحيتنا
وكملت بصړاخ
هتسيبني لكلام الناس وتجريحهم فيا للمرة التانية!
اول مرة لما معتز صاحبك ماټ يوم خطوبتنا وسبتني في القاعة لوحدي وبعدها جيتلي و نهيت علاقتنا وقولتلي كل شئ قسمة ونصيب
وبعدها بسنه اتجوزت ريناد هانم
دلوقت برضو عايز تسبني واحنا مكملناش يومين جواز علشان برضو ريناد هانم
عيطت وصړخت پقهر
هو انت بتعمل فيا كده ليه!
هو انا كمان مش بني آدمة وليا مشاعر!
ليه جتلي من الاول وطلبت تتجوزني بعد مانهيت معايا طالما بتحبها كده
بلال سكت ومعرفش يرد..هي معاها حق في كل كلمة قالتها
واتكلم بأسف
انا اسف..حقك عليا
انا بس متلغبط اليومين دول ف تلاقيني بقول كلام من غير قصدي
ريهام سابته وطلعت اوضتها وهو طلع اوضته القديمة ودخل اخد شاور وغير هدومه وقرر انه يدور على ريناد ويرجعها
عدى يومين واخيرا بلال عرف مكانها واللي كان في قريتها القديمة واللي كانت عايشة فيها قبل ما أهلها يموتوا
في الوقت ده كانت ريناد ماسكه طبق وبتأكل بنتها اللي عندها ٤ سنين
يلا يا لولو اخر معلقة ياحبيبتي
لارا بتذمر ونعاس
مامي انا عايزة انام خلاص مش قادرة آكل
وفين بيلو وحشني اوي
ريناد سرحت بحزن في بلال وقلبها ۏجعها جدا لما افتكرته لكن رجعت بصيت ل لارا بحنان وابتسامة
حبيبتي ممكن تنسي اي حاجه ومتفكريش غير في ماما حبيبتك
لارا بحزن
بس انا عايزة بلال يا مامي وحشني اوي
شوية وريناد نيمت لارا بالعافية وقعدت عالكنبة ومسكت مشروبها الدافي وشغلت اغنية قديمة وحزينة لأم كلثوم وسرحت في كلامها ودموعها نزلت
اتنفضت پخوف لما الباب خبط وحطيت الكوباية على الترابيزة اللي قدامها وسحبت حجابها وحطيته على شعرها بإهمال ووقفت ورا الباب
مين
لا رد
قول مين يإما مش هفتح
افتحي يا ريناد انا جوزك
قلبها اتنفض پعنف لما سمعت صوته
ادعت القوة وفتحت الباب لقيته واقف قدامها وعنيه حمرا وملامحه حزينه وشعره متبعثر..كان شكله وسيم جدا حتى رغم بهدلته دي وبيبصلها بعشق وندم وحزن
فاقت من تأملها ليه 
وحشتيني..وحشتيني اوي يا ريناد
ريناد اتوترت جدا من قربه لأنه اول مره يكون قريب منها بالشكل ده رغم انهم متجوزين بقالهم تلت سنين
متبعدنيش عنك يا ريناد..انا ماصدقت لقيتك
ربناد استسلمت بضعف ودموع واتكلمت بحزن
عايز مني ايه يابلال..مش انت متجوزني شفقة وعلشان تنفذ وصية صاحبك
بلال اخيرا بعد عنها وبص في عنيها واتكلم بنبرة لأول مره تسمعها منه وكانت كلها حزن وندم
انا غبي..غبي وتفكيري متخلف وكنت هضيعك مني بسبب غبائي
قعد عالكنبة واتنهد واتكلم بإعتراف
معتز الله يرحمه صاحبي من واحنا اطفال
ولما كبرنا وهو عرفك كان كل يوم بييجي يحكيلي قد ايه هو بيحبك وبعدها اتجوزك وكان هيطير من الفرحة
لما عمل الحاډثة بعربيته وهو راجع من اسكندرية جريتله عالمستشفى ولقيته بېموت
نزلت دموع بلال جامد واتكلم حزن
اخر كلامه قالي ريناد ولارا امانة في رقبتك
بعدها خلاص روحه راحت
لما اتجوزتك وعيشنا مع بعض لقيتني كل يوم بتشدلك اكتر من اليوم اللي قابله
بعجب بيكي وبكل تفصيلة في شكلك وشخصيتك
لقيتني بحبك ياريناد من غير ما احس
حسيت اني بخونه..بخونه بتفكيري فيكي ومشاعري نحيتك
وكمل بنفي
بس لأ..انا متأكد انه مش هيزعل مني لما اقرب منك..اكيد هيفرح لينا لما يلاقينا مرتاحين وعايشين مع بعض في سلام ومعانا بنتنا
وبصلها 
انا اسف..اسف بجد ونفسي تديني فرصة تانية وانا اقسم بالله هحاول بكل قوتي اني اصلح التخلف
الثاني
اللي عملته
ريناد
بصتله
بتردد مبقتش