الصدمة

تعبان شويه في الشغل أصل طبقنا النهارده
ودا إلى اخرني
كانت بتكلمني وأنا ماسك نفسي بالعافيه
ولما جابت ابني وسابته معايا الشيطان كان بيوسوس ليا أنه مش ابني معرفش بعد إلى شوفته افكاري تداخلت وبقيت بلا شعور
كنت بكلم نفسي زي المچنون والشك كان هايموتني
قلت قبل ما أعمل إلى هاعمله لازم أتأكد إنه ابني الأول لأني هاعمل كدا علشان خاطره
ومارتحتش شويه والڼار إلى جوايا هديت إلا لما اطمنت إنه ابني ومن صلبي بعد ماعملت تحليل
وفي يوم قلت لنفسي
ودلوقتي بقا أنا هاوريكي أنا هاعمل فيكي اييييه يا خاينه
عملت حساب على الفيس بوك حساب وهمي ودخلت ليها
في البدايه وعلشان ماتشكش في حاجه بعتلها طلب صداقه
ولما قبلته انتظرت شويه وبعد كام يوم بعتلها رساله وانتظرت ردها
وطبعا ردت وبعد شويه من التعارف اټصدمت من مدي السهوله إلي هيا فيها
كنت مذهول منها لقيتها شخص تاني خالص وشخصيه تانيه غير إلى أعرفها كأنها مش مراتي إلى اتجوزتها
مع إني ماكنتش مقصر معاها خاااالص
في أي حاجه من حقوق الزوجيه
ودا إلى كان هايجنني لييييه بتعمل كدااااا إيه السبب
إلى أعرفه إن إلى بيعمل كدا بيكون بيتعرض لتقصير مااااا
لكن أنا عمري ماقصرت معاها في أي شيء
وطبعا الحقوق إلى انتوا فاهمينها أنا كويس أوي فيها
المهم
اتعرفنا واتكلمنا وبعتلها صور مش صوري والمفاجأة إنها بعتتلي صورها ماخافتش حتى من إنها تبعت صورها
وكدا أول جزء من الخطه نجح
واتجهت للجزء التاني ولأنها بتكلم شباب كتير أنا عاوز اكون مميز عندها عاوزها تتعلق بيا أنا وتنفذ إلى اطلبه منها
ودا إلى الجزء التاني من الخطه هايحققه
بدأت اعملها بطريقه مش كويسه واضيق عليها أوي ماديا
لحد ماجت فتره مابقتش اديها فلوس خالص بحجة إني سبت الشغل
وعلى الطرف الآخر لعبت على الوتر دا
بدأت أدخلها من الجانب وبدأت ترتاحلي لما كنت بسألها عن حالها وتستغرب لما أعرفها إلى بتعاني وبقيت أقلها إني اتعلقت بيها وعلشان كدا حاسس بيكي
بقت تكلمني ماتعلقنيش زي ماكانت بتعمل لما تكون بتكلم حد تاني
وبدأت ابعت ليها فلوس
وتوطدت العلاقه بينا لدرجة إنها بقت تكلمني يوميا وعملت حظر لي كل إلى كانت بتكلمهم علشاني
وزغللت
عنيها إني غني وهاعيشها عيشه حلوه وهاتكون سعيده معايا لو اتطلقت واتجوزنا
بس ازاااااي مش هايرضي يطلقني
افتعلي مشاكل وزهقيه
واتفقنا على كداااا ونفذت بدأت تفتعل مشاكل بالفعل وتغضب
لكن كنت متمسك بيها للمراوغه وتنفيذ مرادي
وطبعا كانت بتكلمني على الفيس بوك وبتعرفني إلى أنا عارفه
وفي الوقت إلى حددته وبعد إلحاح منها قلتلها إني موافق إني أطلقها بس بشرط
وطبعا بالشخصيه الوهميه كنت تملكت مصيرها وقررها وإلى بقوله بتفذه
شرطي كان إنها تتنازل على كل حاجه كل حقوقها وكمان أبني تتنازل عنه
ولما رجعت تستشرني على الشرط دا في علاقتنا على الفيس 
قلتلها وافقي وأنا هاعوضك وبعد شوية هاجبلك إبنك لما اديله قرشين هيوافق
كنت بكلمها صووووت ومفهمها إني مسافر برا علشان ماتطلبش تشوفني وإن عندي أملاك برا وقلتلها لما تطلقي هابعت اجيبك برا ونتجوز
سمعت كلامي ووافقت على الشرط
وهنا الجزء الأخييير من الخطه
اتنازلت على كل حااجه وسط استغراب ودهشه أهلها إنها إزاي تتنازل على كل حاجه وتم الطلاق
واخدت ابني وسيبتهم
وطبعا طلعت جري تبعت رساله علشان تبلغني إنها اطلقت مني بقا وخلي الجو لينا
كنت لسه في الطريق قلتلها اصبري ساعه وهاكلمك
رحت عند أمي وسبت معاها إبني
ورحت بقا لشقتي بشغف ولهفه
قلبي كان جوااااه راحه والڼار إلى كانت مالياه طول المده إلى فاتت بدأت تهدا وترتاااااح
لكن كان لسه بقا النهايه الجزء الأخير إلى هايريحني اووووي
قعدت وبعتلها رساله قلتلها أنا عاوز أكلمك فيديو
استغربت وقالت ياااااه اخيراااا ما أنا كنت بتحيل عليك تقولي جمبي ناااااس
ولا إنت فرحان علشان اتطلقت
قلتلها اااااه فرحاااان اوووووي
افتحي أنا هارن
رنيت وأول مافتحت وشافتني اتسعت عنيها پصدمه كبيره اوووووي
وسكتت كانت بتبص كأنها شافت عفريت
ضحكت وقلت ايووووووه انااااااااا اناااااا جوووزك ايه ماااالك
وفضلت نص ساعه اتكلم وطلعت كل إلى في قلبي
وهيا ساكته مابتتكلمش
والحمد لله أخدت حقي بالعقل وبحمد ربنا إني ماتهورتش وعملت فيها حاجه أنا طلقتها واخدت حقي منها وابني معايااا
انتهت