انا وهشام
كنت هقوله هو مكنش موجود .
وصلنا الشاليه واول ما وصلت مفكرتش في حاجه غير اني اخد التليفون من بسمه اتصلت علي رقم يارا ومفيش رد رنيت علي هشام كمان مقفول
بسمة لا استني انتي بترني علي هشام و رقمه مش براا مصر
مريم اه
بسمة لا لا انا مش معايا رصيد كفاية استني هبقي هشحنلك دولي
معرفتش استمتع خاالص بأول يوم
دايما داليا بټعيط ي ناريمان مش عارفة عايزة اي وكل ما اروح في حته افتكر انهم لوحدهم ماما كانت شايلاهم اه بس مش طول الوقت
.طمكنش معايا فلوس كتير تكفي اني اشتري لعبه ولا اي حاجه هما يشبطوا فيها..مكنتش حتي هجيب مايو لناريمان بس اختي بسمة فعلا اشتريتلها واحد زي ما قالت وحمدت ربنا انها هتعرف تنزل البحر انا كنت بس محتاجاه معايا..يشيلهم عني ..يقعد معاهم انما انا كدا مش عارفة اعمل حاجه ولا اخرج ولا انزل البحر ولا المرة الي قعدت فيها ماما بناريمان ملحقتش حتي اتمشي ع البحر شوية رجعت لقيت ماما بتقولي انها نسيت حاجه في البيت روحت اجيبها وعقبالما جيت كانوا الناس بيمشوا خلاص...
ردي بقي ردي..دي المرة التالتة الي ارن فيها
يارا الوه مين معايا
مريم يارا !
يارا ايوه مين حضرتك
مريم انا مريم نستيني
يارا مريم اي دا بترني عليا من رقم غريب ليه في حاجه ولا اي
مريم ايه مكنتيش
عوزاني اعرف انك سافرتي صح
يارا لا مش كده مقصدش انا بس استغربت !
يارا هو كان لازم لما اجي اسافر اقولك اي الي بينا يخليني اقولك اصلا
مريم كنت بتقولي اهلك مش موافقين وانك مش مسافره وانا صدقتك
يارا انا كمان قلتلك بحاول اقنعهم وبعدين انا مش فاهمه انتي عاوزه ايه بتكلميني كدا ليه و عشان اي
مريم فين هشام يا يارا مش بيكلمني ليه قافل تليفونه ليه ايه الي بيحصل عندك
يارا ايه الي بتقوليه ده
مريم اتفاجأتي
مكنتيش تعرفي اني فهمتك من يوم ما جيتي عندي وانا والده ناريمان وبعدها ورحتي اشتغلتي في الشركه ودلوقتي سافرتي وراه
هو انا مش فاهماكي ولا مفكراني هبله انا فهماكي وفاهمه خططك وحركاتك دي
يارا خطه اي هو انا بتاعت خطط والكلام دا وبعدين معقول يا مريم انتي تفكري فيا كده انا عمري ماعمل كده انتي صاحبتي !!
يارا انا معرفش انه مش بيكلمك ويطمن عليكي انتي وناريمان
مريم متعرفيش وانا المفروض اصدقك واصدق انك متعرفيش
كمان انه مش بيبعت فلوس ليا واني خلاص مبقاش معايا اصرف علي بناتي
حرام حرام عليكي عاوزة ايه مني بتهدي حياتي ليه انا تعبت ومبقتش قادرة اشيل كل دا لوحدي سابني وقالي هسافر سنه داخل علي السنتين واكتر مسافر بقاله شهور لا بيكلمني ولا اعرف عنه حاجه بدأت اعيط ليه كدا ي يارا انا تعبت ليه كدا
هشام يارا واقفه كده ليه الناس كلها مشيت انتي لسة هنا كنت عاوزك ضروري مالك في اي
يارا بكلمك مالك واقفه كده انا محتاج اتكلم معاكي
يارا هشام مش وقته استني
هشام اسمعيني بقي مش كل مرة مش وقته انتي ليه رافضه حبي ليكي
انتي مفكره انك نزوه وهتعدي وانك مجرد رغبة وهنساكي لكن لا والله انتي بس الي هتفهميني انا محتاجلك محتاج واحده تفهمني تشاركني حياتي ومستقبلي وتفكر معايا تبقي معايا في طموحي وتساعدني في حياتي واحلامي وافكاري تساعدني ف مستقبلي وتكون جنبي خطوة ب خطوة
فكره الجواز مش بس هتاكل ايه النهارده تعالي معايا للدكتور امسك الواد لحد ما اعمل مش عارف اي زي ماكانت مريم عايشه
انا عاوزك انتي تشاركيني تفكيري انسانه مثقفه متعلمه طموحه فاهمه في كل حاجه..حتي تبقي حاجه مشرفة لاولادي لما يكبروا .
ولا دا مش من حقي
يارا هشام كفايه كدا كفايه
مريم معقول الي سمعته ده صحيح دا صوت صوت هشام !
قفلت السكه مقدرتش اكتر من كدا انا حاسه اني ف كابوس
هشام لا مش هسكت وهتردي عليا دلوقتي!
يارا ي هشام انا مش موافقه ..وبعدين انا اي الي يخليني اتجوز واحد متجوز وعنده عيال انا عايزة حد يكون زيي..نبدأ حياتنا سوا ومع بعض..من غير ما يكون له اي علاقات قبل كدا وبعدين انت خاېن..خاېن ي هشام ..سايب مراتك مرميه هناك لوحدها ببنتك وقاعد انت هنا تتفسح وتروح و تيجي وعايز تتجوز حتي لو مريم مش صاحبتي بس دا مش ذنبها انها ضحت عشانك!
هشام تاني هتقوليلي ضحت هي مضحتش هي كانت عايزة تهرب من مسئولياتها بس انا ممنعتهاش بالعكس عرضت عليها كذا مرة حتي لما قولتلها
