قصة جديدة

الأمور وقادر تفرق بين الحلال والحرام والصح والغلط
...
بتنهيدة ربنا يصلح حالك يابني ويهديك ورغم اني زي ماقولتلك إنت كبير وواعي كفاية لكن أنا برده هحاول علي قد ماقدر ..كل يوم هصحيك تنزل تصلي معايا الفجر دا الوقت اللي بتبقي قاعد فيه في البيت عشان أفكرك فيه بالصلاة ..بقولك إيه 
نعم
تفتكر مين قريب منك اللي ھيموت عشان يفسر حلمك 
بصتله بحزن كان يقصد نفسه ..
بضحك ماتبصليش كدة يلا عالبيت بقا عشان نلحق ننام لنا شوية
تفسير الحلم دا كان شاغل بالي لدرجة مخلياني مش عارف أمارس حياتي بطبيعية ببص لأهلي كلهم بحزن وخاېف أفقد حد فيهم ..عشان كدة قررت ماروحش البار وأقعد مع أهلي أطول وقت ممكن ..
بابا كل يوم كان بيصحيني ونروح نصلي الفجر سوا وبقيت مواظب علي صلاتها بعد معاناة مع نفسي كنت بشوف إبراهيم وحسين دايما في الجامع بس ماحدش فيهم كان بيجي يكلمني أو حتي يسلم عليا بيعملوا نفسهم مايعرفونيش ! ..
عدا شهر وانا مواظب علي صلاة الفجر كنت فرحان جدا ..دا بالنسبالي إنجاز كبير أوي وشهر من غير ماروح البار ..دا إنجاز أكبر ..
في يوم لقيت ضحي ووليد بيكلموني ماردتش عليهم ومن كتر الزن رديت علي وليد ..كان بيقولي إنه عايزني آجي البار ضروري ماكنتش عايز أروح بس إلحاحه أجبرني أروح عشان أخلص من زنه واشوفه عايز إيه ..روحت البار وكنت بدور عليه بعنيا وقعت عنيا صدفة علي فاتن إتغيرت أوي ! .
جات و قالتلي..
حمدالله علي السلامة إيه الغيبة الطويلة دي دا انا قولت
خلاص مش هشوفك تاني هنا
بابتسامة ازيك يافاتن 
بابتسامة الحمد لله إزيك انت ياعزيز 
بخير
كنت غايب فين كدة 
كنت بدور علي نفسي
ولقيتها
لسة ..بس هلاقيها ان شاء الله بس انت إيه التغيير اللي انت فيه دا كل مادي بتثبتيلي إنك حلوة أوي ..كل مادي بتخليني مش عايز أشيل عيني من عليك
اتضايقت من كلامي كانت فاهمة ان انا قصدي إنها بتتغير للأسوأ وان انا كنت علي حق ! ..كملت كلامي وقولتلها ..
إنت جميلة أوي تشبهي الذنوب بالظبط
باستغراب أشبه الذنوب قصدك إيه 
إنتوا الاتنين فتنة ! ..تفتنوا أي حد يقرب منكوا حتي إسمك جاي من الفتنة ..فاتن !
عزيز ! أنا بدأت أتضايق من كلامك
ضحكت بسخرية وعزمت عليها بالكاس اللي في إيدي ..
اشربي ويسكي هيهديك
فضلت تبص ليا وللكاس اللي في إيدي شوية وبعد كدة خدته من إيدي وقبل مايوصل الكاس لبقها مسكت إيدها وأخدته منها ..
كدة أنا كسبت ! وإني من أول مرة شوفتك فيها واتكلمنا وقولتلك إبعدي عن هنا كنت علي حق ! ..قولتيلي أنا عندي مبادئ متمسكة بيها وانا مش زيك ولا زي فرح ! وأنا محجبة وبصلي وعمري ماهشرب في حياتي عقلك ضحك عليك ياصاحبة المبادئ ..المزيفة شوفتي الوردة لما بنحطها في كوم ژبالة بتبقي ژبالة زيهم ازاي 
پغضب انت قليل الأدب
وانت جميلة يافاتن جميلة لدرجة تقرف ! ياخسارة ..كان نفسي تطلعي نضيفة !
پغضب انا لو مش نضيفة يبقي مش نضيفة عشان واقفة مع واحد زيك وهنت نفسي بكلامي معاك
ومشيت من قدامي اتنهدت بضيق ..إيه اللي انا قولته دا لقيت وليد جاي عليا هو وشلته ..
أخيرا يابني جيت دا انا خۏفت ماتجيش
خير ياوليد عايز إيه 
بابتسامة عايزك ياسيدي تباركلي أنا وضحي ..انهاردة هنتجوز
بصيت لضحي پصدمة ورجعت بصيت لوليد ..
عرفي 
ضحي أيوة ..لحد مانكون نفسنا وبعدين هنتجوز رسمي
وصدقتيه ..يامغفلة !
وليد بقولك إيه ياعزيز فكك من كلامك دا ..أنا كنت عايزك عشان تبقي شاهد علي عقد الجواز مش أكتر
وانت مين قالك إني هشهد علي القرف اللي انتوا عايزين تعملوه دا 
وليد والله انا لو عليا أنا مش عايزك بس هي ضحي اللي مصممة إنك تبقي شاهد علي عقد الجواز معرفش ليه
ضحي ممكن ياجماعة تسيبونا لوحدنا شوية وانا هقنعه
سابونا كلهم ومشيوا وبدأت تتكلم ..
إنت متضايق إني هتجوز وليد 
طبعا متضايق ! إنت بتبيعي نفسك وهتندمي لو عملتي كدة
خلاص ..إتجوزني انت !
نعم 
إتجوزني ياعزيز مادام متضايق من جوازي من وليد