خفقات قلب بقلم نيره محمد
قلبي ربنا يسعدها ويطبطب علي قلبها بالخير
عاصم اخد نفس طويل وتكلم باحتياج ..ممكن تحتوينى يا امي حاسس اني تعبان اووي
ايمان شدته من ايديه بكل قوتها وعلي لسانها دعاها ليه ان يريح قلبه ويهدي اموره
في المستشفي عند ملك
في اوضه الكشف ملك بتكشف علي مريضه عندها خلصت وكتبتلها الادويه ووصتها بالراحه التامه
بعد ماخرجت السكرتيره قالتلها ان واحده عايزاها بره
السكرتيره ..لا يادكتوره ادخلها ولا لا
ملك بهدوء ..تمام دخليها
بعد دقايق دخلت نور ووشها في الارض وعنيها حزينه
ملك لما شافتها اټصدمت واستغربت من سبب الزياره بس سمعت كلام نور ليها ...ممكن اقعد ..ولا مش عايزه تشوفيني ياملك
ملك بهدوء ..اتفضلي اقعدي مش هعوز اشوفك ليه ...مفيش بيني وبينك حاجه
اتنهدت بصعوبه وماكنتش لقيه كلام تقوله بس حاولت تقول اي حاجه معرفتش ...
ملك حاسه بيها فقالتلها ..ساكته ليه اتكلمي انا سمعاك
نور بحزن ..مش عارفه اقول ايه
ملك ضحكت ..اومال جايه ليه
نور بدموع اتجمعت في عنيها حاسه بقلبها بيدق نطقت بصعوبه ..انا اسفه
نور بصتلها بضيق بتصعبها عليها بس لازم تقول اللي جايه عشانه ...انا والله ماكنتش اعرف انك صممتي علي طلاقك من عاصم غير لما خفيت ..عشان كونت تعبانه اوي ..ولما عرفت حسيت اني عايزه اجيلك ..واول مانزلت الكليه جتلك ياملك ..بالله عليكي ياملك وحيات حبكم انتي وعاصم اللي انا دمرته من غير ماقصد لترجعيله ..ووالله ماهسيبه غير لما يطلقني واخرج من حياتكم للابد
استنت لما خلصت كلامها واتكلمت بجديه ..بصي يانور واسمعي كلامي كويس اوي ..انا وعاصم مستحيل نكون مع بعض تاني ..وسواء انتي كنتي السبب او لا فده كان هيحصل هيحصل ..عشان انا عمري ماكنت هكمل معاه وهو مش
.. بيحبني ...اه متستغربيش عاصم محبنيش لو كان حبني في يوم مكنتيش هتكوني انتي الاولي عنده دايما ..بس للاسف ده كان بيترجمه انك اخته وانه حاسس بمسؤليه اتجاهك عشانكوا سوا طول عمركوا بس ده كان طول عمره حب ..حب وبس
ملك ابتسمت واتكلمت بهدوء ..تعرفي يانور نصيحه مني ليكي وده انا مستغرباه اني قاعده دلوقتي وبنصحك ومش حاسه بكره ليكي بالعكس انا دلوقتي بشفق عليكي عارفه ليه
ملك ببساطه ..عشان انتي مش عارفه تعملي ايه ..تسامحي عاصم وتكملوا مع بعض وتحصلي علي حبك اللي طول عمرك بتتمنيه وعايزاه ..ولا ترفضي عشان تانيب ضميرك بسببي
سكتت شويه وهي مركزه مع نور اللي التشتت والحيره ملياها وكملت بحسم ...نصحتي ليك انك ترجعي لعاصم يانور عشان هو ميظلمش واحده معاه غيري وانتي متظلميش واحد تاني معاك
نور قامت من مكانها وراحت ناحيتها ومسكت ايديها واتكلمت بتوسل ...ارجوكي ياملك تسامحينا كلنا ..مكنش قصدتنا وجعك وخسارتك والله
ملك ...الايام بتنسي يانور صدقيني هيجي يوم واسامح ..وعلي فكره انا دلوقتي
اتاكدت ان عاصم معتش احساسي بيه بنفس القوه بدليل اني مش حاسه بكره ليكي وانتي واقفه قدامي كالعاده ..الحمد لله عاصم هيخرج من قلبي وفي اقرب وقت اكييد
نور خرجت من عندها والحيره متملكه منها اكتر من الاول بتفكر في كلامها تديه فرصه ولا تبعد وترتاح من ۏجع قربه
بعد ساعه وصلت البيت ودخلت لقت عاصم قاعد مع امها وابوها
قلبها الملعۏن للمره الالف بيدق ليه وهو شايف نظره اللهفه في عيون عاصم ليها
قربت منهم وقالت السلام وهي بترسم البرود بصعوبه
ابو نور ..تعالي ياحبيبتي ..اتاخرتي ليه ..عاصم مستنيك من بدري عشان يطمن عليك
نور ردت بهدوء ...روحت مشوار بعد الكليه يابابا ...ووجهت كلامها لعاصم ببرود مصطنع ...مكانش فيه داعي تستناني كل ده وتتعب نفسك
عاصم باحراج بص لابوها وامها اللي اضيقوا من برودها واستاذنوا يسبوهم لوحدهم شويه عشان يتكلموا بحريه
عاصم قرب منها بعد ابوها وامها مامشوا وشد ايديها بعصبيه ناحيته ...ممكن اعرف انتي بتكلميني بالطريقه دي ليه وعايزه توصلي لايه بالضبط
نور بعدت ايديها عنه واتكلمت باستفزاز ..عايزه اوصل انك تطلقني وبس
عاصم بعصبيه ..وانا قولتلك مستحيل فاهمه ولا لا
نور بضيق ...مش فاهمه ومش عايزه افهم اي حاجه خالص ..انا عايزه اطلق منك وبس ..هو بالعافيه يا اخي
عاصم بقوه ..مش بالعافيه يانور ....نور انا بحبك
نور قلبها دق اوي لما سمعت كلمته نفسها زاد من غير ماتحس لقت نفسها بټنفجر في العياط الكلمه اللي نفسها تسمعها طول عمرها سمعتها بس مش مصدقاها خاېفه يكون بيكدب عليها الثقه بقت مهزوزه بينهم
اجئ حس انه عايز يحتويها اوي في اللحظه دي وبالفعل
سابها ټعيط براحتها
