قصه جديده

فيلم عربي قديم
صقر اتنهد ومسك ايديها پخوف. رحمه انتي عارفه انك اكتر من اختي صح واني بحبك بصدق
رحمه مسكت ايديه بيديها التانيه. عارفه وعارفه انك اكتر من مجرد زميل دراسه وشغل وعارفه كمان انك بتحبني اوي اكتر بكتير من مجرد صديق طفوله ومن اخ و انا كمان بحبك اوي زي
عاصي بزعيق. الله الله واضح اني جيت في وقت مش مناسب
رحمه. عاصي انت فاهم غلط
صقر بسرعه ساب ايد رحمه. استاذ عاصي انت مش فا
قاطعه عاصي وهو بيضرب بالبوكش في وشه وفضل يضرب فيه الاتنين وقعوا على الأرض وعاصي فوقيه وبيضرب فيه بكل معاني الغل
رجمه بزعيق. ابعد عنه يا حيوان صقر. ابعد
عاصي پغضب وعصبيه قام و مسكها من شعرها. چحيمك ابتدا
رحمه پخوف. عا
عاصي بزعيق. مش عايز اسمع صوتك وصدقيني هتندمي
ساب شعرها ومسك ايديها بقوه كادت ان تخلع ايديها وبقي يشدها وراه
رحمه بقوه. على فكره انت مش فاهم حاجة
عاصي بجبروت وواقف ادامها وبصلها نظره مرعبه. كلمه كمان وواعدك ھقتلك مكانك
رحمه بثقه. وانا مبخافش غير من رب العالمين لان عندي رب اسمه الرحيم العدل واللي انتم متعرفوش عنه حاجه يا عيله الرشيدي. انت دلوقتي هتتهمني بالخيانه احنا مش في روايه يا عاصي عشان اعيط وابقى دايما البنت الضعيفه انا أقوى منك على الأقل عندي قلبي بينبض عشان يساعد اللي حواليه من غير مقابل إنما أنت لا انت عايش في وهم اسمه الجبروت اللي هيجي يوم ويتهد فوق نفوخك انا عمري ما كنت البنت الضعيفه غير بمزاجي.
عاصي قرب منها شاف نظره القوه اللي في عنيها وحس بۏجع في دماغه وكأنه مش اول مره يشوف نظره الثقه دي وفجأه ساب ايديها وزقها وخرج من المستشفى وهو حاسس ان دماغه هتتفرتك من الصداع
رحمه بصتله بحزن و وقفت جانب الحيطه وبقيت تنزل وتقعد على الأرض وهي بټعيط وكان كل قوتها اتبخرت
رحمه لنفسها. لا يا رحمه اوعي تضعفي لو ضعفتي هيفضل زي ما هو لازم يتغير لازم يحس انه القوه مش في النفوذ ولا في القوه الجسمانيه. انا اسفه بس بعمل كدا عشان اساعدك
صقر جيه بسرعه
صقر. انا اسف انا السبب
رحمه مسحت دمعه من عنيها وقامت. محصلش حاجه يا دكتور صقر اللي حصل دا كان لازم يحصل
صقر. يعني ايه
رحمه بابتسامه ترغم نفسها على رسمها دائما. ولا حاجه انا همشي الوقت اتأخر وبكرا الصبح هاجي الشغل طبيعي
صقر. طب انتي ممكن ترتاحي انتي لسه تعبانه
رحمه. انا كويسه متقلقش مع السلامه
سابته ومشيت وهي زعلانه عشان عاصي وكمان إياد بس دلوقتي هي مطمنه عليه وعارفه طريقه
رحمه وهي بتسوق عربيتها. هو انا ليه زعلانه. انا مش اصدي بس لازم اعمل كدا. لازم يعرف ان مش كل اللي حواليه خاينين
دلوقتي لازم اقدر اساعد رغد بس لازم اعرف مين ابو إياد يارب انا ماليش غيرك ساعدني
بعد مده وصلت قصر الرشيدي
الكل كان نايم والقصر هادي
طلعت اوضتها ودخلت اخدت شاور وطلعت كانت لابسه قميص عاصي وخارجه باريحيه وهي بتنشف شعرها وواقفه سرحانه أدام المرايه 
فجأه حسيت بأيد بتتلف حوالين خصرها اتخضت وبسرعه اتديرت لقيته عاصي وباين عليه انه شارب
رحمه بتوتر وارتباك. عاصي انت كويس
عاصي مسك وشها بايديه وضحك وهو دايخ. انتي ازاي جميله كدا
رحمه. عاصي انت سکړان
عاصي. تو تو انا فايق اوي كمان
رحمه بعصبيه وزقته. ابعد عني انت مش في وعيك والقرف اللي انت شاربه ريحته وحشه
عاصي بعد عنها . بلاش انتي كمان ټخونيني يا رحمه الأفضل انك تمشي لو هتخوني ثقتي فيكي لاني تعبت اوي
رحمه بهدوء. عمري ما خنت ولا هخون بس يمكن في النهايه ابعد
لقيت عاصي نام سندته وعدلته ينام في سريره وراحت اخدت بجامه وغيرت وراحت نامت اصاده فضلت تبصله بحيره وتفتكر سامح جوزها الأول
كانت بتحبه متنكرش لكنه اذاها اوي ومع ذلك متخلتش عن شخصيتها الطيبه بس لو انكسرت المره دي يمكن تنسحب تمام لأنها مش حمل كسره تانيه
دموعها نزلت لما افتكرت سامح وقضيه الژنا اللي كان هيلبسه ليها كتمت صوتها وهي بتبص لعاصي
لكن لقيته قرب منها وحضنها وهي استسلمت وحضنته وهي لسه بټعيط
عاصي بنوم. بحب ضحكتك بلاش ټعيطي ارجوكي
رحمه بصتله ومسحت دموعها وحضنته اكتر واتنهدت في النهايه نامت
...... ...
هل تعرف ذلك المكان.
عندما اخبرتك اول مره انني احبك به. لقد قاموا بهدم ذلك المكان. ربما شعروا بأن حبي لك لم يعد موجود لذلك هدموه مثل حبنا الذي هدمته انت بافعالك
في صباح يوم جديد يحمل من القسۏه ما يحمل ومن الحب ما تجعلنا اقوي
عند قاسم
قاسم لابس هدومه ونزل لقى هدى بتفرق شربات على زميلها من خدم القصر
قاسم بمرح. صباحك فل يا ديدا
هدى. صباحك زي العسل
قاسم بغمزه ومشاكسه. هو في ايه. ناويه تتجوزي اوعي تكوني بتحبي يا جميل
هدى بسعاده. لا يا بكاشه هو في عريس بس مش ليا
قاسم ملامح وشه اتغيرت كلها. اومال لمين
هدى. ملاك دكتور محمد طلب