ادم
شغل أغنية ومد إيده ليها وقال تسمحيلي بالرقصة دي
آسيا بإبتسامة أكيد
وهم الإتنين بيبصوا في عيون بعض وبدأوا خطوات الرقص وفي الخلفية كلمات الأغنية بتقول_
أنت اللي بين إيدك بدأت اعيش
حبيت سنيني بيك عشان بحبك
خليت حياتي جنة من مفيش
خليتني نام واقوم أقول بحبك
أنت اللي بين إيدك بدأت اعيش
وآسيا حضنته جامد وهو بيتحرك بيها وهي حاسة بدفء وحنان مطيرها من الفرحة حاسة بأمان كانت مفتقداه
آسيا بحب وهي بتشدد على حضنه عمري ما عرفت طعم الفرحة غير معاك يا آدم أنا في الكام ساعة دول عيشت مشاعر وأحاسيس عمري ما جربتها قبل كدا مكنتش أعرف طريق السعادة إلا وأنا معاك
آدم صدقيني يا آسيا أنا بعتبر النهاردة يوم ميلادي يوم ميلادي يوم ما اسمك اتكتب على اسمي وبقيتي في حضڼي دلوقتي وملكي أنا لوحدي يا آسيا
فضلوا يتصوروا وقضوا اليوم سوا ورجعوا البيت وهما في قمة سعادتهم وطلع آدم وقربوا على شقتها وجايه تدخل آدم وقفها وقال بتعملي أي
آسيا بإستغراب هدخل
آدم لا أنتي آه هتدخلي بس في شقتنا
آسيا بإستغراب شقة أي
آدم شقتنا اللي فوق مش قولتلك هتنامي معايا وفي حضڼي من النهاردة يا آسيا
آدم مبسش يلا
آسيا طب ناخد أسيل لأنها بتصحى في نص الليل وبتعيط لو ملقتنيش جنبها
آدم خلاص عشان خاطرك وخاطر حبيبة بابي
آسيا باسته من خده وقالت ربنا ميحرمنيش منك ابدا يا حبيبى
آدم قولي الكلمة دي فوق مش على السلم الله يخليكي
آسيا ضحكت وقالت أنا هدخل أجيبها
______________ بقلمي ريهام أبو المجد ____________
آسيا في أي تاني
آدم في إنك مش هتدخلي كدا
آسيا أمال إز
مكملتشي كلامها ولاقت آدم وقال هتدخلي وأنا شايلك يا عروسة
آسيا أنت مچنون يا آدم أسيل هتصحى
آدم لا الله يخليكي متخلهاش تصحى أنا مصدقت أنها نايمة
آدم بهمس حاضر
دخل برجليه اليمين وهو شايلها وبعدين قفل باب الشقة وهو لسه شايلها ودخل بيها أوضتهم وحطها على السرير براحة
آسيا زمانك تعبت يا حبيبى
آدم ايوا فعلا أنتي تقيلة اووي
آسيا ضړبته على كتفه وقالت بغيظ لم نفسك أنا مش تقيلة
آدم بإبتسامة بهزر يا حبيبتي دا أنتي خفيفة أصلا وبعدين أنا أشيلك فوق راسي وجوا عيني
آدم يلا حطي أسيل على سريرها
آسيا ايوا صحيح هتنام فين أسيل
آدم بصي كدا على إيدك اليمين
بصت آسيا لاقت سرير صغير لأسيل فرحت اووي وقالت أنت لحقت جيبته أمتى وإزاي
آدم كنت عامل حسابي عشان عارف مش هتنامي في مكان أسيل مش موجودة فيه
آسيا أنت إزاي كدا
آدم اللي هو إزاي
آسيا بحب بتاخد بالك من كل حاجة وبتفرحني دايما وبتسعدني حتى لو بأبسط الأشياء
آدم عشان أنا موجود في الدنيا دي عشان أسعدك واحققلك أحلامك
آسيا قامت حطت أسيل في سريرها ورجعت آدم وقالت آدم أنا مش لاقية كلام أقوله ومفيش كلام يعبر عن حبي ليك
آدم على وملس على شعرها بحنية وقال وأنا مش عايزك تقولي حاجة كفاية عليا أشوف كل الكلام دا في عيونك يا آسيا وحبي ليكي يكفينا احنا الإتنين
فضلوا بعض شوية وبعدين آدم قال تعالي يلا عشان ننام
آسيا حمحمت بحرج وقالت بس
آدم مالك في أي يا حبيبتي أنتي خاېفة مني
آسيا لا بس عايزة أغير الفستان بس مش عارفة
آدم بضحك ودا اللي مدايقك أنا هساعدك دا يوم المنى
آسيا بخجل بطل بقى يا آدم كل شوية تحرجني
آدم بضحك طب تعالي يلا لفي كدا عشان
_____________ بقلمي ريهام أبو المجد ____________
آسيا لفت بحرج وقال بهمس تعرفي يا آسيا إني كنت محتاج لحضنك دا قوي أنا مش متخيل إنك بين إيديا دلوقتي كنت فاكر إن اليوم دا مش هيجي أبدا
آسيا ميلت راسها عليه وقالت انسى الماضي يا آدم بجراحه وخلينا نعيش اللحظة يا حبيبي
آدم عندك حق اللحظة معاكي بسنة يا حبيبتي وبتعوضني عن سنين البعد والعڈاب
آسيا بحرج طب سيبني بقى عشان أغير هدومي
آدم ضحك وقال بتتكسفي بسرعة اووي يلا روحي يا حبيبتي
آسيا أخدت هدومها ودخلت الحمام وأخدت شور وخرجت لقت آدم نايم على السرير ومغير هدومه وحاطت إيده الإتنين ورا راسه أول ما شافها ابتسم وقال أنتي إزاي بتحلوي كل شوية كدا
آسيا بخجل دي عيونك يا آدم
آدم تحبي أسرحلك شعرك زي المرة اللي فاتت
آسيا أحب اووي عايزة أحس نفس الإحساس دا بس المرة دي وأنا مراتك
آدم قام وقال وأنا بحب اعملك كدا عشان بتحسسيني بالأبوة وإنك بنتي الصغيرة
وبدأ يسرحلها شعرها قدام المراية وهي بتبص عليه وبتبتسم بحب مسكت الفون بتاعها وأخدت صوره ليهم في الوضع دا
آسيا عشان تكون ذكرى حلوة نوريها لأحفادنا واحنا عواجيز
آدم ضحك وقال عمرك ما هتعجزي أبدا يا آسيا
آسيا بضحك ودا إزاي
آدم عشان حبي ليكي هيخليكي شباب وروحك الجميلة دي هتصغرك أكتر وأكتر وهتفضلي في عيني دايما بنت قلبي وحبيبتي
آسيا بصتله بحب وقالت أنت إزاي بتوقعني في حبك كل ثانية كدا!
آدم وقال يمكن عشان قلبك لاقى ونسه فيا
آسيا وروحي كمان لاقت مسكنها وساكنها
خلصلها وبعدين قرب من السرير ونام وشاورلها تيجي تنام جنبه فهي جات وهو شاور على صدره وقال تعالي لمكانك يا آسيا
______________ بقلمي ريهام أبو المجد ___________
آسيا وهو قال تصبحي على خير وتصبحي دايما وأنتي من أهلي
آسيا وأنت من أهل الخير يا حبيبى
صحيت في نص الليل على صوت أسيل فقامت بالراحة من جنبه وقامت شلتها وباستها وفضلت تروح وتيجي بيها عشان تهدى وخرجت برا الأوضة وفضلت تغنيلها وبصت لقت آدم وراها
آسيا بتعمل أي يا آدم كمل نومك يا حبيبي معلشي صحيتك
آدم لا يا حبيبتي أنا صحيت عشان ملقتكيش جنبي
آسيا أصل حبيبة مامي قلقت وصحيت وبحاول أنيمها مش راضية
آدم طب هتيها يا حبيبتي وادخلي نامي أنتي
آسيا لا يا حبيبي كدا كدا كان فاضل ساعتين على ميعاد صحياني فهفضل معاها نام أنت
آدم أخد منها أسيل وډخلها الأوضة ومدد على السرير وهو شايل أسيل وفتح دراعه وقال تعالي يا آسيا نامي هنا مكانك
آسيا طب وأسيل
آدم تعالي بس وأنا هنيمها
راحت آسيا ونامت في حضنه في مكانها اللي خصصه ليها وعلى دراعه التاني أسيل وفضل يلاعب فيها لحد ما هم التلاتة ناموا على وضعهم دا
تاني يوم صحيت آسيا ولاقت أنها لسه على وضعها وخاڤت على آدم لأن زمان درعاته وجعته اووي فبدأت تتسحب بالراحة وأخدت أسيل منه وحطتها في سريرها وقربت منه وعدلت من وضعية نومه وباسته في خده وخرجت عشان تحضر الفطار والمشروب بتاعها
وبالفعل حضرت كل حاجة ودخلت تصحي آدم وقالت بحنية آدم يلا يا حبيبي عشان تفطر
_____________ بقلمي ريهام أبو المجد ____________
آدم وقال دا أي الصباح الجميل دا اها صباحية مباركة يا عروستي
آسيا بخجل آدم ابعد كدا عيب
آدم ضحك ضحكة رجولية وقال عيب أي والله العظيم يا بنتي أنا جوزك أنا مش عارف اقنعك إزاي
آسيا سرحت في ضحكته وهو أخد باله وقال عارف إني حلو بس مش لدرجة تسرحي كدا
آسيا ضړبته على صدره بخفة وقالت بطل رزالة ويلا
خرجوا وفطروا مع بعض في جو رومانسي وقعدوا في البلكونة وحلم آسيا أخيرا اتحقق ولقت اللي يشاركها فطارها ومشروبها في البلكونة وكان آدم أحلى شريك في حياتها كلها
نزلوا تحت يقعدوا مع منى وياسمين وباركولهم بس ياسمين كانت سرحانة وكأنها عايزة تقول حاجة فآسيا قربت منها وقالت مالك يا ياسمين أنتي كويسة يا حبيبتي
ياسمين بتوتر ها ايوا كويسة يا حبيبتي
آسيا لا حساكي مش مظبوطة
ياسمين لا أنا كويسة
وقامت بسرعة من قدامها وكأنها بتتهرب منها فآسيا قربت من منى وقالت بهمس منى هي ياسمين مالها أنتم مټخانقين مع بعض
منى بإستغراب لا والله محصلشي حاجة بس هي من امبارح سرحانة ومش عارفة مالها قولت أكيد أنتي عارفة
آسيا لا معرفشي بس أنا قلقانة
منى لا متقلقيش أكيد بس حاسة بفراغ عشان أنتي سبتيها
آسيا پخوف يمكن
كان آدم بيلاعب أسيل وآسر ومشغول معاهم فآسيا كانت راحة تجيب حاجة من المطبخ فلمحت باب أوضة ياسمين مفتوح شوية فكانت داخلة تشوفها سمعتها بټعيط وهي بتتكلم في الفون وبتقول لو سمحت متعملشي كدا أنا حبيتك حرام عليك
آسيا الخۏف اتملكها ودخلت وقالت ياسمين
ياسمين قامت مڤزوعة ورمت الفون من إيدها وقالت بتوتر آسيا أنتي بتعملي أي هنا
آسيا بشك كنتي بتكلمي مين يا ياسمين
ياسمين بتوتر كنت كنت بكلم صاحبتي
آسيا قربت منها وقالت ياسمين في أي متكدبيش عليا ومين اللي بتحبيه دا ولي بټعيطي كدا
ياسمين حضنت آسيا وعيطت وقالت بعياط آسيا الحقيني أنا في مصېبة
____________ بقلمي ريهام أبو المجد ____________
آسيا پخوف مصېبة أي في أي
ياسمين بإنهيار أنا في واحد بيهددني
آسيا بيهددك لي وبأي
ياسمين دا واحد كنت بحبه وهو كان مفهمني أنه بيحبني وأنا صدقته وحبيته وكنت بخرج معاه وبنتصور سوا بس اكتشفت أنه وبيخوني وبيضحك على بنات كتير ودلوقتي أخد صورتي وفبركها وحطها على فيديوهات مش كويسة أنا خاېفة اووي يا آسيا ومش عارفة أعمل أي
وبعدين كملت بإنهيار وقالت مش عارف أقول لاخواتي حاجة لإني غلطانة وماما لو عرفت وهو هددني إن لو حد عرف هينشر
آسيا طب هنعمل أي دلوقتي لازم أخوكي يعرف
ياسمين پخوف لا يا آسيا أبوس إيدك بصي هو طالب ٥٠ ألف جنية
وقالي همسح الفيديوهات قدامك لو جبتيلي الفلوس
آسيا وأنتي مصدقة أنه هيعمل كدا دا أكيد بيضحك عليكي
ياسمين مش عارفة بس المهم آدم ميعرفشي أبوس إيدك يا آسيا مش عايزة أكسره وكدا كدا عصام ميفرقشي معاه غير نفسه
آسيا بس كدا غلط وأنا خاېفة ولو آدم عرف مش هيسامحنا
ياسمين خلاص يا آسيا أنا غلطانة لما قولتلك مش عايزة منك حاجة
آسيا طبطبت عليها وقالت يا حبيبتي أنا خاېفة عليكي وعايزة مصلحتك وآدم بيحبك وحنين وهيقف جنبك
آسيا پخوف أنتي بتقولي أي يا ياسمين أهدي خلاص هعملك اللي أنتي عايزاه بس متفكريش كدا تاني
سكتت شوية وقالت خلاص اتصلي بيه وقوليله إن الفلوس جاهزة ويجي يقابلنا في العنوان اللي احنا هنحدده
ياسمين حاضر بس هتجيبي الفلوس منين
آسيا هبيع الدهب اللي كان أخوك أحمد جيبهولي ولو احتجنا فلوس كمان هبقى اسحب فلوس من البنك
ياسمين لا يا آسيا دي فلوسك وملكيش ذنب
آسيا مش وقته الكلام دا اتصلي يلا
وفعلا اتصلت ياسمين بس هو اللي حدد المكان وقال تجيله بالليل عشان محدش يشوفهم واضطرت ياسمين توافق
جات الساعة ١١ ونص وكانت فعلا آسيا باعت الدهب وجهزت الفلوس من ورا آدم ونزلت لياسمين
آسيا أنا
