روايه بقلم يارا عبد العزيز

يا بجح متجوز وواخد مراتك شقتنا وعايزني اهدي!!
_ الشقه دي اعتبري نفسك مشوفتهاش ولا جهزتي فيها اي حاجه ومن بكره ننزل سوا نختار شقه تانيه تمام كده 
_ لا مش تمام كده هو ايه الي اعتبري ومتعتبريش وجوازك منها ده ايه !
تنهد سليم هاتفآ 
اعتبريه محصلش انا اتجوزتها بس علشان الڤضيحه 
_ بس كلام ملهوش لازمه بلا علشان الڤضيحه ده انت خدتها شقه علشان تقعد معاها براحتك 

_ علي فكره انا
جبتلها واحده قاعده معاها هناك وقافل عليها
الشقه اساسا وقعدتي هتبقي في اي فندق لحد ما مده جوازي منها تخلص واطلقها
_ وليه كل الهبل ده !
ضړبت الباب بقدميها وهي تصرخ باكيه 
يعني انا هفضل محپوسه هنا !
تنهدت عايده وهي تنظر اليها باسي لتقول نيره 
علشان خاطري يا طنط لو معاكي المفتاح هاتيه انا هروح الفيلا عند عمو شريف 
_ مش معايا ممكن لما يجي استاذ سليم بكره تتكلمي معاه وتطلبي منه ياخدك الفيلا تاني 
لتقول هي باكيه 
مش هيوافق هو جايبني هنا علشان يعذبني 
قالتها وهي تجلس علي الارضيه بجانب الباب 
ينظر امامه بشرود تام نيره انتهت بسببه هو كل شئ حدث هو المذنب به وليس نيره 
قفز في عقله مريم تناول هاتفه ثم قام بالاتصال بها وعندما وصل اليه صوتها هتف هو 
انا تعبان ومش قادر استحمل ضيعتك انتي زمان ودلوقتي نيره 
ثم اكمل وهو يغمض عينيه وهتف بصوت ضعيف 
شايف قدامي كل الي حواليا بيحملوها هي الذنب وانا مش قادر اتكلم ولا اقول اي حاجه انا جبان وزباله اوووي 
_ ياااه جه اليوم الي اشوفك فيه يا فادي متعذب كده
قالتها وهي تبستم بتشفي ليقول هو 
عارف انك فرحانه فيا حقك بردو 
نهايته عايز ايه ! 
_ عايز ارتاح واقدر اغمض عيني وانام عايزك تسامحيني وعايز كمان نيره تسامحني 
_ مش هيحصل محدش هيسامحك وانت عمرك ما هترتاح هتفضل پتتعذب كده طول حياتك لحد ما ربنا ياخدك والبشريه ترتاح منك 
قالتها وانهت المكالمه علي الفور 
_ ايه الاخبار عندك !
قالها سليم وهو يتحدث بالهاتف لتجيبه هي 
اول ما عرفت ان الباب مقفول عليها فضلت ټعيط وتخبط في الباب لحد ما تعبت ونامت جمبه 
قالتها وهي تنظر الي نيره النائمه بجانب باب الشقه ليقول سليم 
شويه وهتتعود المهم عينك عليها واوعي تسهيكي وتاخد منك المفتاح وتخرج براه الشقه فهماني 
_ حاضر يا استاذ سليم 
انهت المكالمه معه ثم اقتربت من نيره وهتفت وهي تهزها برفق 
قومي يا حبييتي نامي في الاوضه 
فتحت عينيها نيره بصعوبه بسبب البكاء وهتفت 
انا مش عايزه افضل محپوسه هنا 
_ مين قال انك محپوسه انتي قاعده في بيتك وعندك كل حاجه اكل ولبس وتلفزيون بذمتك في حد محپوس يبقي عنده الحاجات دي 
بكت نيره وهي تقول 
انا مش عايزه كل ده مش عايزه هو انا علشان بابا رميني اتهبدل البهدله دي 
اغمضت عينيها وهي تصرخ باكيه 
ليه يا ماما مۏتي وسبتيني ليه مۏتي وخلتيني اتبهدل البهدله دي كلها لو كانت عايشه مكنش حصل فيا كل ده يارب خدني عندها يارب علشان ارتاح من حياتي دي
استطاع سليم اقناعها وارتدت اشرقت خاتم خطبتها مره اخري تنهد سليم وهتف 
اياكي تشليه من ايدك تاني فاهمه 
_ موضوع نيره هتخلصه امته بابا لو عرف انك اتجوزت مش هيعدي موضوع بساهل 
_ وهيعرف منين ! باباكي مش بيتابع اخبار ولا اي حاجه وعموما يا ستي انا عندي حل احنا نتجوز الايام دي ايه رايك
_ نعم يا حبيبي عايز تتجوزني علي واحده !!
_ يا بنتي انسي نيره دي
بصي نيره بنسبالي اختي الصغيره بنتي الي مسئوله مني بس واهو قدامك كلمت عايده
_ ميخصنيش كل ده تطلق نيره نتجوز 
قائلا 
ماشي استني بقي لحد الفتره دي ما تعدي 
مر يوم اثنين ثلاثه اربعه خمسه ست سبع ثمانيه تسع عشر ... ومرت الكثير من الايام عليها وهي سجينه في تلك الشقه ولم ياتي احد لزيارتها حتي سليم..
لاول مره تشعر بالكره ناحيه سليم ذلك 
جلست امام التلفاز تقلب به بملل لتجد علي احدي القنوات وزير التربيه والتعليم وهو يقول انه بعد نصف ساعه موعد ظهور نتيجه الثانويه العامه 
_ وانا دلوقتي اجيب النتيجه ازاي
!!
تحركت من مكانها ثم هتفت الي عايده التي
تقوم بطهو الطعام 
ممكن يا طنط تديني موبيلك بعد شويه اجيب نتيجه بتاعتي 
_ سامحيني مش هينفع استاذ سليم منبه عليا متمسكيش موبيل خالص 
_ الله ېحرق سليم يعني الناس كلها تعرف نتيجتها وانا لا !! حرام عليكي يا طنط اعتبريني بنتك طب بصي انا هقولك رقم جلوس بتاعي وانتي هاتيها ينفع !
صمتت عايده بتفكير ثم هتفت 
ماشي بس اياكي تجيبي سيره لاستاذ سليم اتفقنا 
وهي تقول بفرحه 
ولا هيعرف اي حاجه متقلقيش
بعد مرور الوقت 
تجلس نيره بجانب عايده التي تحاول الحصول علي نتيجه الخاصه بنيره هتفت هي 
اكيد علشان في ضغط علي موقع حاولي تاني يا طنط بالله عليكي 
_ اهو يا نيره بحاول 
وبعد ثانيه هتفت عايده 
فتحت 
_ وريني كده اشوف كام وريني وريني
نظرت نيره الي الشاشه وهتفت بعدم تصديق 
60 ماشالله عليا جبتها ازاي دي ! وكمان مطلعتش بمواد الله عليا ممتازه يا نيره 
_ انتي بتكلمي بجد ولا بتتريقي علي نفسك 
قالتها عايده باستغراب لتقول نيره 
طبعا بتكلم بجد انا كنت خاېفه اسقط خالص تعرفي 
تزغردي 
حركت عايده بنعم لتقول نيره 
يلا كده ارقعي زغروده محترمه بسبب نجاحي الخطېر ده 
استجابت لها عايده وهي تبتسم ثم قامت باطلاق زغروده عاليه لمده عدده ثواني ضحكت نيره وهي تقول 
ايوه ايوه اديها اكتر يا طنط اكترر
_ خير خير ليه الزغاريد دي كلها !
قالها سليم الذي دلف توءآ للشقه اختفت ضحكت نيره ثم اشاحت بوجهها بعيدآ لتقول عايده 
دي بمناسبه نجاح نيره ..
نظر الي الهاتف الذي في يد عايده وقال 
ياريت متتكررش تاني يا عايده
انتبهت عايده الي الهاتف ثم قالت 
والله يا استاذ سليم انا الي خدت منها رقم الجلوس وجبتهالها نيره ملمستش الموبيل 
حرك راسه بتفهم ثم هتف 
وعلي كده جابت كام علشان زغاريد دي كلها
_60
ابتسم سليم ساخرآ وهتف 
مجموع يشرف اووي 
_ اه يشرف وعاجبني ويلا يا طنط زغردي تاني 
قالتها نيره بانفعال ليقول سليم 
روحي انتي يا عايده دلوقتي 
استجابت عايده لطلبه ورحلت لتقول نيره 
ابقي وريني بقي يا سبع البرومبه لما ابدا دراستي في الكليه هتحبسني ازاي !
_ اتكلمي باحترام معايا علشان مزعلكيش 
قالها سليم بتحذير لتقول هي 
هتزعلني ايه اكتر من كده حپستني ورمتني بين اربع حيطان انت شايف انك بتربيني كده هو ده اخرك في التربيه !! 
تجاهل كلماتها تلك ثم قال 
عايزه تقدمي في كليه ايه ! اكيد مجموعك ده مش هيدخلك حاجه حكومي وهتدخلي خاص في كليه معينه في دماغك ولا اقدملك انا بمزاجي 
_ بمزاجكك ايه يا ابو مزاجكك لا ملكش دعوه انا هفكر في كليه واشوف 
_ براحتك بس اعملي حسابك هتروحي علي الامتحانات بس
نهضت من مكانها هاتفه 
لا مش هيحصل انا عايزه اروح الكليه واشوف شكلها
حرك كتفيه بلا مبالاه وقال 
لو عندك استعداد تقابلي الناس هناك ويقولولك انتي الي صورك كانت نازله علي نت يبقي تمام هبقي اشوفلك حد يروح معاكي 
لتقول هي بتوتر 
هما مش ممكن يكونوا مشافوش الصور 
حرك راسه بالنفي وهتف 
لا مش ممكن الصور اتعملها شير والدنيا كلها شافتها 
اكتست ملامحها بالحزن ثم جلست علي الاريكه بحسره واضحه ليقول سليم 
انا همشي دلوقتي واجيلك بعد يومين تكوني فكرتي عايزه تدخلي ايه 
_ بلاش تقفل عليا وتحبسني انا عايزه اخرج واروح ازور عمو شريف وطنط 
_ تزوري مين !! بابا وماما مش طايقين يشوفوا وشك اصلا
_ طب انا اسفه الي حصل ڠصب عني مفروض اعمل ايه يعني علشان هما يسامحوني والناس تنسي الصور 
_ سلام يا نيره انتي واحده فاضيه وعايزه ترغي وانا مش فاضي رايح ل اشرقت 
كشرت بوجهها وهتفت بضيق 
وطبعا هتقفل عليا وتحبسني 
ليقول هو بتاكيد 
طبعاا عليكي نورر 
دلفت ناديه الي
غرفه فادي لتجده ممد علي الفراش وينظر
الي سقف
الغرفه بشرود تام لم يشعر من الاساس بوجودها ..
جلست ناديه بجانبه وهتفت 
ولحد امته يا فادي بقالك شهر علي الحال ده 
انتبه فادي اليها ثم اعتدل في جلسته قائلا 
انا تمام مفيش حاجه
_ لا مش تمام ابدا من يوم جواز نيره وانت حابس نفسك ولا بتاكل ولا بتشرب ليه كل ده !! ماهي كانت هتجوز صاحبك وكنت مبسوط وقولت المهم تكون سعيده مينفعش تعمل في نفسك كده علشان بقت مرات اخوك
_ لا مش كده انتي فاهمه غلط نيره بنسبالي زي اختي انا كنت عايز اتجوزها بس علشان بنت عمي وانا احق بيها من الغريب يا ماما المشكله عندي مش بسبب جوازها من سليم 
تابع وهو يتنهد بضيق 
المشكله اني انا السبب في كل حاجه حصلت لو مكنتش خدتها عيدالميلاد حازم مكنش هيشوفها ومفيش اي حاجه كانت هتحصل 
_ مش ذنبك يا حبيبي متحملش نفسكرحاجه مش بايدك نيره هي الي عاندت وكانت فاكره حركاتها دي هتغيظ سليم 
صمت فادي ولم يجيبها بشئ فوالدته مهما اخبرها لم تفهم انه هو المذنب وليس نيره !!
وقفت في الشرفه ونظرت الي الطريق بضيق وهي تقول 
لسه لحد دلوقتي اشرقت معاه ايه التناحه دي اتجوز غيرها وهي لا اي احساس شويه سينس كده مفيش 
زفرت بقوه وهي تسند يديها علي الاطار الحديدي هاتفه 
خليني انا كده محپوسه زي القرده 
_ بسبسبس 
الټفت خلفها الي ذلك الصوت لتجد فتاه تقف في الشرفه التي بجانبها حركت نيره راسها باستفهام لتقول الفتاه ضاحكه 
بتكلمي نفسك ليه يا بنتي !
ابتسمت لها نيره ببرود هاتفه 
معلش اصلي مجنونه شويه فبكلم نفسي عندك مانع ولا حاجه !
_ لا اكيد سوري لو سؤالي ضايقك بس انا ومامتي لسه ساكنين جديد وده اول يوم لينا ولقيتك واققه لوحدك قولت اتعرف عليكي 
ثم تابعت بتساؤل 
ممكن اتعرف عليكي ولا ايه !
_ نيره 
_وانا فرح في سنه كام بقي يا نيره !
_ رايحه اولي جامعه 
_ بجد ! انا كمان رايحه اولي جامعه جبتي كام مجموع 
_ مجموع مش حلو بس انا هقدم علي خاص اصلا 
ضحكت فرح هاتفه 
بصره زي بعض يعني ناويه تقدمي علي ايه !
_ معرفش لسه بفكر 
_ انا ناويه اقدم علي اعلام انتي مجموعك كام يا بنتي قولي انا زيك مجموعي زفت 
_ 60 
حلو تجيبك اعلام ايه رايك تقدمي معايا اعلام ونروح ونيجي سوا !
_ لا ماهو انا مش هروح غير علي الامتحانات 
تسائلت فرح باستغراب 
ليه !
_ سليم مش موافق قالي روحي الامتحانات بس 
_ مين سليم اخوكي !
_ لا اب 
بترت عبارتها ثم هتفت 
اه اخويا 
_ فهميه ان الكليات لازم حضور فيها علشان الدرجات وكده يعني وان شالله يوافق 
وصل اليها صوت عايده وهي تهتف باسمها فهتفت 
طنط عايزاني هروح اشوفها 
_ قصدك مامتك !
حركت نيره راسها بالنفي هاتفه 
لا طنط عايده واحده جايبها سليم تقعد معايا 
قالتها ورحلت لتقول فرح 
هستناكي 
تجاهلت نيره كلماتها تلك وهتفت لنفسها 
استني مع نفسك بقي
وبعد مرور عدده ايام..
شعرت بالملل من العبث في التلفاز نهضت من مكانها ثم اتجهت الي الشرفه وظلت تنظر الي الشرفه التي بجانبها 
_ ما كنتي متلقحه واقفه قبل كده اختفيتي دلوقتي !!
قالتها بضيق واضح وهي تنظر امامها 
ثم هتفت 
حتي البت الي مكنتش طايقها اختفت 
_ هو انا كل ما ادخل البلكونه كده القيكي بتكلمي نفسك !
قالتها فرح لتلفت اليها نيره هاتفه 
اعمل ايه يعني