روايه مياده كامله الاجزاء
بالموضوع ده دلوقتي انا بسآلك عنك انتي تقوليلي ندي و زفت
بعد آيه لو كنت آهمك بصحيح ماكنتش سيبتني و مشيت لكن انا هاهمك ليه ما كفاية عليك ندي
ندي ندي ندي انتي عليكي عفريت اسمه ندي افهمي بقى
آنا مشيت لانى كان عندي اجتماع مهم مش لانك ماتهمنيش و ماكنتش عارف اركز في شغلي لان كل تفكيرى كان فيكي آنتي
ليه هي ندي سابتك و مشيت و لا ايه
قولتلك مافيش كنت تعبانة شويه و دلوقتي بقيت كويسة
آتفلئي انا غلطان اني شاغل نفسي بيكى آصلا
سيبتها و خرجت علي آوضتي و آنا
شايط من الغيظ منها و من آفعالها اللي هاتجنني
تاني يوم كنا اجازة و نزلت عشان افطر و طلبت من الشغاله تنديها هي كمان عشان تفطر معايا
الناس تقول صباح الخير علي الصبح
حطت ايدها علي وشها و التانية علي بطنها و قالتلي بهدوء غريب
صباح الخير
خاېف آسآلك مالك تقوليلي ندى
ضحكت و آستنيتها تبتسم حتى لكن سكتت و مارديتش عليا
وعد مالك آنتي تعبانه بجد
مافيش حاجه انا كويسة
لاء انتي مش كويسة انتي كاتمة المك و پتتوجعي اهو
قومت من مكاني و شيلتها بين ايديا و انا بآمر الشاغلين انهم يطلبو الدكتور اللي جيه فعلا
و آمر اني اوديها علي المستشفى لانه شاكك آنها تكون عندها الزايدة
و فعلا عملت العملية و خرجت منها و كانت لسه مافاقتش من البنج اللي خلاها تقول اللي مخبياه عني
اه قاسم انا بخاف منه يا امي هايضربني لو عرف
ده بيقولي كلام حلو بيدوخني
بقيت قاعد جنبها و انا مذهول من كلامها معقول تكون لسه بتتكلم مع الواد ابن العمدة ده
وعد وعد فوقي يا بت مين ده اللي آنتي عايزاني ابعدك عنه
ندى العقربه عايزة تاخد قاسم مني يا
أمي
قاسم حبيبي
ېخرب بيت ندى و سينينها فوقي يا بت و قوليلي مين الواد ده
الباب خبط و دخل علينا ندى و دينا و رامي و عصام
الشيطان اللي كانت بتقول عنه لكن للأسف دخل قبل ما تنطق اسمه
كنت عامل زي النمر اللي حاطط عينه علي فريسته بيراقبها من بعيد
لحد ما دخلوا علينا
سلامتها وعد حبيبتي الف سلامه عليها يا قاسم
الله يسلمك يا دينا تعبتو نفسكم و جيتو ليه يا جماعه
لا تعب و لا حاجة احنا اول ما عرفنا من ندى جينا علطول مش كنت تتصل بيا و لا بعصام عشان نبقى معاك في ظرف زي ده
عصام و كان بوكيه ورد منها
هي لسه مافقتش
لاء
لسه البنج مأثر عليها بس عمالة تخترف بكلام مش مفهوم
انتبه عصام پخوف
قالت حاجة يعني
بصتله و انا مستغرب
حاجه زي ايه يعني
وقفت ندى بينه و بيني
تعالي يا قاسم اقعد تلاقيك واقف كده من الصبح
اعمل ايه بس يا ندى دي امانة عيلتي كلها ليا و هي اللي فاضلالي منهم كلهم
اااااه قاسم اااااه
فتحت عينها اخيرا و اول ما شافت كان عصام اللي واقف مكاني بعد ما شدتني ندي من جنبها
حمدلله علي سلامتك يا وعد
انت
مالحقتش تكمل كلامها لما قعدت جنبها امسح شعرها من علي وشها
وعد انتي فوقتي عامله ايه يا قلبي
هاه تعابنه اوي يا قاسم جنبي بيوجعني
معلش اصلك عملتي عملية الزايدة
عدى كام يوم علي خروجها من المستشفي مارديتش
اسألها عن حاجه الا لما تسترد صحتها بالكامل
و طبعا في الكام يوم دول عصام بدء يزورنا كتير بحجة انه فاضي و انا قاعد عشانها و مش بروح الشركة
بس هي لما كانت بتعرف انه موجود ماكانتش بتحاول تنزل من أوضتها
قعدنا في الليفنج انا و هو كنا بنلعب ماتش علي البلاي ستيشن و فجأه رمي دراع البلاي ستيشن من ايده
كفاية بقى انا زهقت
ألعب يلا و لا عشان اتغلبت يعني
هو يعني البيت ده مافيهوش غير البلاي ستيشن بقولك ايه انا جعان ماتيجي نتغدي بره
بره فين و اللي قاعده فوق دي اسيبها ازاي و هي تعابنه كده
هي وعد لسه تعبانه
يعني الچرح بس هو اللي لسه مأثر عليها شويه
طب خلاص نتغدي هنا و خليها تتغدي معانا
طيب اقعد بس و انا هاقلوهم يحضرو الغدى
طب ناديها و بطل تقفل عليها كده
بصتله و انا مستغرب و سيبته و طلعت ليها
دخلت عليها لاقتها قاعدة في سريرها بتذاكر
وعد
خضتني يا قاسم مش تخبط و لا تعمل اي صوت
اخبط!! انتي عايزاني اخبط علي الباب و انا داخل علي مراتي
مراتك
ايه انتي نيستي انك مراتي يا وعد
لاء لاء طبعا مش ناسيه
بتعملي ايه
هاه
مش بعمل حاجه انا بذاكر
و مستعجلة ليه علي المذاكرة مش لما تخفي وتبقي كويسة
تبقي تذاكري
لاء الحمد لله انا بقيت كويسه اوي احسن من الاول بكتير
امممممم يعني بقيتي كويسه وتقدري تفسري ليا الكلام اللي قولتيه و انتي في البنج
كلام ايه انا مش فاكرة حاجه
كلام عن الشيطان اللي عايزاني ابعده عنك
هاه شيطان ايه انا مش فاهمه حاجه مش عارفه انت بتتكلم عن ايه
امممممم مش فاهمه حاجه و مش عارفة انا بتكلم عن ايه
بتكلم عن الشاب اللي انتي تعرفيه و بيقولك كلام حلو بيدوخك يا وعد
رجعت لورا و هي خاېفة مني زي عادتها
ااااااانت جيبت الكلام ده منين
منك انتي اللي قولتيه بلسانك و انتي بتفوقي من البنج
بقولك مش فاهمه حاجة
سكت و انا عيني مركزة اوي في عينها اللي كانت بتحاول تداريهم مني و بعدها حاولت عشان تقوم معايا
قومي يلا
غيري بيچامتك دي عشان تنزلي تتغدي معايا انا و عصام
بعد ما وقفت و اتحركت معايا لقيتها فجائه وقفت مكانها و حاولت ترجع للسرير تاني
لاء انا مش جعانه مش عايزه انزل تحت
بقولك يلا عشان تاكلي عشان تاخدي علاجك
لاء بلاش انزل انت مش كنت مابتحبش تخليني انزل و اصحابك هنا اشمعني بقي دلوقتي عايزني انزل
عادي يعني خلاص انتي اتعرفتي عليهم كلهم و تقريبا كل يوم بيسألو عليكي
طب و انا مش عايزة انزل تحت من فضلك بقي سيبني
ضميت حواجبي و انا مستغرب طريقتها دي بس سيبتها
خلاص يا وعد خليكي و انا هابلغ حد من الشاغلين يطلع ليكي الغدي هنا الټفت عشان اخرج من الاوضه لكن هي وقفتني تاني
قاسم
نعم يا وعد
و رحمة امي فدوة يا قاسم بطل قسۏة عليا بقى
لو عايزاني ابطل قسوه عليكي ماتخبيش انتي عني حاجه يا وعد
يوه قولتلك مش مخبية عنك حاجه
هانشوف يا وعد هانشوف
فضلت تحاول بقدر الامكان تبعد عن عصام حتى المدرسة
قررت انها ماتروحهاش الا علي الامتحان
و دا خلاني اصدق انها ممكن تكون كانت بتخرف في البنج
وعد يا وعد انتي فين
مالك يا قاسم عمال تنادي عليا كده ليه و اصلا راجع بدري ليه
عشانك
عشاني انا خير في حاجه و لا ايه
لاء مافيش مش انتي خلاص اخر امتحان ليكي فاضل عليه يومين
ايوة فاضل يومين
طب ايه رأيك تيجي نخرج شوية
نخرج انا و انت يعني
اه نخرج انا و انتي ايه عيب
لاء بس دي اول مره يعني تخرجني من ساعة ما جيت من الكفر
و هي فرحانه
مش يمكن زهقت من بعدك عني و نومك في اوضتك لوحدك و بحاول اصالحك
بجد يا قاسم طب هاتوديني فين
قطفت فرولاية من علي خدودها الحمرا
انا راجع النهارده بدري مخصوص عشانك هاخدك نتغدى بره و نشتري كل اللي نفسك فيه
انا نفسي اروح السينما أوي عمري ما روحتها
بس كده حاضر يا ستي يلا بقي اطلعي بسرعة البسي و انا هاستناكي هنا
هوا في ثواني هاكون جاهزه
طلعت علي فوق بسرعة و قعدت استناها
و انا مبسوط ان أخيرا بقينا كويسين مع بعض
بس اتفجأت برقم مديرة مدرستها بيرن علي موبايلي
الو
أهلا يا قاسم بيه
أهلا بحضرتك خير
في حاجة و لا ايه
لاء ابدا ماتقلقش بس هو في حاجة حصلت و انا كنت عايزه اعرف اذا كان عندك فكره عنها و لا لاء
حاجة ايه حضرتك
هي في الحقيقه حاجة تخص وعد
وعد مالها عملت حاجة
في الحقيقة يا ابني البنت تصرفاتها كلها محترمه بس هو الشاب اللي كان بيجلها عند المدرسه ده رجع يجلها تاني
اكتر من مره ايام الامتحانات الامن يشوفوها و هي بتتخانق معاه و تجري تركب باص المدرسه
يعني معني كلام حضرتك انه كان بيجلها ايام الدراسه العاديه
ايوه قبل ما تعمل العمليه و حضرتك تبلغنا بأنها مش هاتحضر الا علي الامتحان الشاب ده كان بيجي ليها
و كانت بتركب معاه
لاء الكام مره اللي الامن شافوها فيها ماكانتش بتركب معاه كانت بتقف بس شوية لكن بعد كده بتروح تركب الباص بتاعها تاني
طيب انا متشكر أوي لحضرتك و هاشوف الموضوع ده بنفسي
قفلت الموبايل و انا سامع خطواتها و هي نازله من علي السلم
انا جاهزة يلا بينا يا قاسم
وقفت ببصلها پغضب و انا ساكت
بقى انتي يا حتة عايله بتضحكي عليا انا و تقولي انك مابتعرفيش حد
هيييي قاسم روحت فين بقولك انا جاهزة
هاه طب يلا بينا
لاول مرة تخرج من الڤيلا و ماتكنش رايحه المدرسه
كانت فرحانه اوي و انا كنت بغلي من جوايا بس قررت اني اسايرها
و طالما انتي مش عايزه تتكلمي يا وعد يبقي مافيش قدامي غير حاجه واحده
قاسم انت مش قولت هاندخل السينما جايبنا المول الكبير ده ليه
ما هو المول الكبير ده في سينما برضو امشي قدامي و بلاش فضايح
هو انت ليه وشك اتغير كده من ساعة ما خرجنا من الڤيلا و انت مكشر و زعلان
بصتلها و سكت
و بقيتي تعرفي تفسري ملامحي كمان يا وعد
ببرئتك و لو كانت دي براءة الافعي يا بنت عزوز الغدار
النهاردة أخر يوم لها في الامتحان
كانت خاېفه طول الليل عمالة
تتقلب و هي نايمة جانبي
و ما صدقت النهار طلع جريت علي مكتبها و قعدت تراجع قبل ما تروح الامتحان
اطفي النور يا وعد و تعالي نامي
سيبني اقعد اذاكر شويه قبل ما الباص يجي يا قاسم
باص ايه اللي هايجي الساعه خمسة الفجر ده لسه بدري اوي تعالي كملي نوم و انا هاوديكي ماتخفيش
هاه لاء توديني ليه خليك انت نايم براحتك و انا هاروح زي كل يوم
لاء يا وعد انا هاوديكي النهاردة و اطلع بعد كدة علي الشركة
طيب خلاص ماتتعصبش عليا بس سيبني دلوقتي بقي اقعد اذاكر شوية
طيب ذاكري يا وعد ذاكري
ركبت معايا العربية و روحنا علي المدرسة و مارفعتش عينها في عيني نهائي
كانت عمالة تتلفت حوليها و كأنها
ضايع منها حاجة
انتي مالك عماله تتلفتي حواليكي كده ليه انتي بتدوري علي حد
هاه حد زي
مين انا مش بدور علي حد
طب انزلي يلا خليني امشي
انزل فين
هو ايه اللي تنزلي
