ماكان ومايجب ان يكون امل احمد

طنط امل هو انا ينفع اتجوزك..!
مينفعش يايحيي ...ولا قولك وقربت عليه وشوشته هستناك تكبر واتجوزك
توعديني 
اوعدك..
مش غريب الوعد اللي انا وعدتهوله الاغرب اني فعلا واقعه في غرامه...واقعه في غرام واحد اصغر مني ب سنين
طب ماتجربي تقعدي معاه يمكن ترتاحي 
امل قولتلك مش هرتاح ياماما مش هرتاح بلاش تضغطي عليا

وانتي يعني قريتي الغيب عشان تعرفي هترتاحي ولا لا
امل هنوئه بقولك اي كبري دماغك من حوار الجواز دا بقا عشان مش هقعد مع عرسان اقولك شوفي عريس ل نور
نور لا بقولك اي متقلبيش الكلام عليا هي بتتكلم ليكي انتي 
هناء لا ماانا جيالك انتي كمان يااهانم ماانتوا الاتنين هتجننوني معاكم 
نور طب ياطنط هناء بالسلامه انا دلوقتي اجيلك وقت تاني 
امل اي هربت ليه ياكتكوت 
نور اخرسي انتي....هسلملك ع ماما ياطنط حاضر يلا سلام 
كنت بضحك بقوه من منظر نور وهي بتخلع 
امل شوفتي خلعت ازاي 
هناء يابنتي ريحي قلبي عايزه اموت وانا مطمنه عليكي 
امل ربك يسهل ياهنوئه انا داخله انام
دخلت اوضتي طلعت الدفتر بتاعي..
يامر العلقم عندما لا تكن بجواريوياحلي السكر عندما تسكن ضلوعي..
انهارده العيد ميلاد ال 18 ل يحيي بقالنا سنه سوا سنه بحبه بخاف عليه كأني امهابني حته مني..مش عشان فرق السن لا دا عشان فعلا بحبه...سري الوحيد اللي مخبياه عن الكل حتي ماما ونور اللي اقرب ناس ليا ميعرفوش عنه حاجه خاېفه اقول اشوف في عيونهم نظره استهزاء بيا اني ازاي حبيت عيل اصغر مني بكل دا....مش هسمح ل حد يحطمني وېحطم مشاعري اللي بتتحرك ناحيته 
نفضت الافكار دي من دماغي وقعدت افكر اجيب اي ل يحيي هديه عيد ميلاده بكرا ..قررت اني هعمله سلسله فضه علي اسمه وهتبقي هديه حلوه ومميزه كنت متشوقه جدا اعملها واديهاله متاكده ان هيفرح بيها خصوصا وان دي اول هديه اديهاله
صحيت الصبح بدري روحت المحل وطلبت منه يعملي سلسله فضه علي اسم يحيي بالعربي وقعدت استنيتها لحد مااتعملت وخدتها ومشيت استنيته في نفس المكان اللي بشوفه فيها ديما ..واللي قابلته عندها اول مرهقالي انه ساكن في الدور 4 في العماره دي..
لمحت جاي من بعيد ابتسمت علي طلته ..
وحشتني
لاقيته ابتسملي بهدوء..وانتي كمان وحشتيني اوي 
جيبالك معايا هديه هتحبها اوي يايحيي ..كل سنه وانت طيب 
وانتي طيبه وبخير 
امل طب مش هتاخد العلبه مني تفتحها 
يحيي عايزك تفتحيها انتي
فتحت العلبه وانا جوايا حماس بدرجه كبيره 
بصتله وانا مبتسمه اي رايك فيها يحيي 
لاقيته بصلي بنظره كلها براءه وحنيه 
يحيي حلوه اوي اوي 
امل مش هتاخدها تلبسها 
يحيي بعدينخليها معاك دلوقتي 
حطيتها في العلبه وشيلتها في الشنطه تاني وانا حاسه اني عايزه اتنطط من الفرحه 
امل لسه مش ناوي تاخد الموبايل اللي جبتهولك مني 
يحيي صدقيني مش محتاجه 
امل بس انا محتاجاك ببقي محتاجه اكلمك في اي وقت مبعرف عشان مش معاك تليفون 
يحيي سبيها لوقتها يلا بينا نتمشي سوا علي البحر 
ابتسمتله بهدوء يلا بينا..
شغلت اغنيه ل منير ومشيت ادندن علي نغماته وهو ماشي جنبي مبتسم بملامحه البريئه ..
فضلنا نتمشي وكالعاده يحيي مش بياكل ايس كريم لكني بشتري اتنين واحد ليا وواحد ليه وديما نسيبه مكانه لحد مايسيح وكأنها عاده اتعودت عليها ظلعت تليفوني وفضلت اتصور انا وهو عشان افتح صوره اشوفها واشبع من ملامحه..
مشيت مع يحيي لحد بيته ورجعت انا ع البيت بفتح الشنطه اطلع لاقيت السلسله معايا ويحيي نسي ياخدها اتضايقت