ماكان ومايجب ان يكون امل احمد
اوي ..قولت هديهاله بكرا الصبح لما اقابله فتحت الباب ودخلت لاقيت الشقه ضلمه دروحت داخله علي اوضتي علطول
اااامل
اترجفت مكاني علي صوتها حسيت من نبرتها ان في
خڼاقه جايه في الطريق
خير ياماما
هناء الساعه كام معاكي..
امل 12 ونص
هناء ودا معاد ترجعيلي فيه
قعدت علي الكنبه بعشوائيه من التعب
هناء يعني اي فيها ..واحده مطلقه راجعالي نص الليل..انتي ناسيه تاريخ انهارده يوافق اي
اتنفض من مكاني بسرعه وكأني اتكهربت
امل بقولك اي انا مش مطلقه بلاش تخاريف ع اخر الليل انا داخله انام
وسيبتها ودخلت اوضتي بعد شويه سمعت صوت بكاها كتمت ودني بالمخده وفضلت اعيط لحد ماتعبت ونمت
صباح الخير ياست الكل
هناء صباح النور..
عرفت من نبرتها انها لسه زعلانه مني وطيت بوست كف ايدها عشان انزل
هناء لسه فاضل ساعتين ع الشغل نازله بدري ليه
امل لسه هعدي علي نور يانوئه وانتي عارفه نور بتتاخر ازاي..
هناء طب سلميلي علي طنط وفاء وقوليلها تيجي تقعدي معايا انهارده..
قفلت الباب ورايا وانا سامعاها بتدعيلي ان ربنا يهديني ويصلح حالي
نزلت بسرعه عشان متاخرش وقفت قصاد العماره مستنيه يحيي
انا حتي معنديش اي وسيله اتصال بيه ودي اكتر حاجه مضايقاني وبتضايقني عايزاه جنبي ومعايا مش عايزه احس ولو لحظه بعد عني او اختفي من حواليا..
فضلت واقفه اكتر من ساعه وهو منزلش ولا شوفتهلاقتي نفسي هتاخر علي معاد الشغل خدت تاكسي وطلعت علي الشغل ولاقيت نور هناك
اتنفضت من مكاني..
امل بس انا سيبالك رساله انك تحصليني علي الشغل
نور ماانا بصراحه قلقت عليكي..كنتي فين ياامل
امل كنت بتمشي شويه
نور ليه قولتي ل هناء انك هتعدي عليا
اتعصبت عليها من طريقتها..
امل في اي يانور هو تحقيق وبعدين انتي مخصكيش تتدخلي في حياتي
لاقيتها خدت حاجتها من المكتب بتاعها ومشيتمكنش عندي القدره اني اكمل بقيت اليوم قومت استاذنت ومشيت روحت قعدت علي البحر وقاعده بعيط في صمت نور اقرب واحده ليا مليش غيرها مهما لفيت مليش غيرها برجعلها ديما وبرجع ل حضنها مش عارفه ليه خاېفه اقولها مع ان واثقه انها مش هتجرحتي بس هتاجمني عشان هتشوفني غلط تخيل الملجأ الوحيد ليك مش عارف تلجأله ..كنت حاسس احساس الطير المجروح بس طاير عشان خاېف يقع محدش يلحقه ف ېموت..
عرفت صوته ف مسحت دموعي بسرعه عشان ميشوفهاش
يحيي انتي كنتي بټعيطي
امل لا يايحيي مفيش حاجه مش بعيط
يحيي عينك حمرا واثر الدموع ع خدك
ابتسمتله بهدوء عشان ميقلقش
امل لا دا حاجه دخلت في عيني وانا ماشيه طمني عليك انت كويس احكيلي يلا كل حاجه..
فضلت انا ويحيي قاعدين نحكي سوا هو الوحيد اللي قادر ديما يسمعني من غير ملل ويطبطب علي قلبي لحد مالاقيت الشمس غربت قومت عشان امشي..
رجعت البيت لاقيت نور هناك مستنياني اول ماشوفتها جريت حضنتها وعيطت ..مكنتش مستحمله اني جرحتها او أذيتها بالشكل دا
نور سالت عليكي في الشغل قالولي انك نزلتي بعدي علطول روحتي فين كل دا
امل كنت بتمشي شويه
نور بردو ...غريبه بقالك ازيد من سنه علطول بتتمشي ولوحدك ليه..واشمعنا...كنا علطول
