ماكان ومايجب ان يكون امل احمد

خطوات العالج انها تعرف انها محتاجه تتعالج 
العلاج!!!!!!!
فتحت عيني بصعوبه وانا حاسه ان الصداع بياكل من عقلي طبقات.. 
لاقيت نور وماما وطنط وفاء جنبها وكلهن بيعيطوا 
قومت اتعدل براحه وكل الذكريات اللي عدت بتمر في بالي بسرعه البرق ودا مسببلي صداع اكبر مشكت دماغي من كتر الصداع وكل اللي بنادي عليه هو يحيي وپصرخ 

لاقيت ماما حضنتني وفضلت تطبطب عليا وتقرا قرآن لحد ماهديت ..
كنت قاعده بسمع من نور كل اللي حصلي وانها شافت النوت بتاعتي وان تاريخ عيد ميلاد يحيي الوهمي زي مابتقول هو تاريخ وفاه يحيي ابني!!!
انا عايزه اروحله بيته عشان اتاكد 
نزلت من المستشفي وخدت نور معايا وروحت ع عنوان بيت يحيي 
لاقيت نور بتبصلي باستغراب وساكته 
هو قالي انه ساكن هنا فالدور الرابع 
سحبتها من ايدها عشان اطلع الشقه اسال علي يحيي مستحيل يكون وهمي وملوش وجود
دخلت من باب العماره 
اؤمري ياست هانم طالعه ل مين 
كان باين ان حارس العماره هنا
امل طالعه ل يحيي في الدور الرا...
مدام امل اهلا وسهلا...
بصتله باستغراب انت تعرفني !
طبعا اعرف حضرتك واعرف استاذ جواد هو حضرتك ناويه ترجعي شقتك هنا تاني والله دا انتوا تنورو العماره دا الغيبه طولت اوي ليكم ..
عيدت عليه السؤال تاني وانا حاسه بلساني بيترجف 
انت تعرفني!!
لاقيته بصلي باستغراب وبص ل نور جنبي 
الحارس طبعا ياامدام امل حضرتك كنتي ساكنه انتي استاذ جواد هنا في شقتكم اللي في الرابع وحضرتك من بعد مامشيتي وهي مقفوله..من ازيد من سنتين!
بصيت ل نور جنبي وهي بتبصلي بنظره كلها حزن سيت وقتها ان عايزه اصړخ من الخۏف والضياعڠصب عني دموعي خانتني كان كل اللي بيحصل اقوي من تحملي وكأن خلاص برفع رايات استسلامي لكل حاجه..
الدكتور احساس الامومه الي فقدته فجاه هو اللي خلاها ترسم شخص هو خيالها تنسبله كل مشاعر الامومه اللي جواها..ااسمه ع اسم ابنها بيته هو شقه جوازها الصدمه اللي اتعرضتلها هي السبب في اللي حصلها..
انهارده انا جوا مصحه نفسيه بتعالج من بما يسمي الشيزوفيرنيا والهلاوس اللي كانت بتحصلي بتعالج من خيال رسمته ل نفسي من واقع مر ومخيف..
كنت كل لحظه ابطل فيها العلاج والاقي نفسي بشوف يحيي ارجع اخده تاني مش عايزه اتوجع اكتر من مره..
وبعد سنه او اكتر في المصحه اخيرا هتحرر اخيرا الطير اتداوي من جرحه وهيرجع يطير تاني بحريه 
امل يعني لو بطلت العلاج هرجع للهلاوس تاني 
الدكتور اكيد ..وياريت متبطليهاش صدقيني دا لمصلحتك 
ابتسمتله بهدوء ومشيت وطلعت من باب المصحه وانا ببص علي اللي انا فايتاه ورايا وكأني سايبه جزء مني فالمكان دا 
بفستان اسود طويل وطرحه من اللون الاوف وايت كنت بتنقل بخفه عصفور في كل مكان وانا ببتسم بفرحه..حاسه اني مفرحتش من وقت طويل كدانور بتتجوز...كانت معجبه بيه وبتحبه والبيه طلع واقع في الغرام زيها زميلنا في الشغل وحقيقي مش عارفه انا كنت غافله ازاي عن حبها..
كنت واقفه بطبطب علي طنط وفاء اللي بټعيط وماما بردو بټعيط مش فاهمه ليه 
هو موسم الامهات للعياط 
اسكتي وبلاش لماضه وراعي مشاعرنا 
امل طب ياماما ياحبيبتي هي بنتها بتتجوز انتي بټعيطي ليه 
هناء عشان هتوحشني مش هي بنتي انا كمان 
وفاء طبعا بنتك زي ماهي بنتي 
ولاقيتهم حضنوا بعض وعيطوا 
الامهات هتفضل امهات مهما حصل..طبطت علي السلسله المتعلقه في رقبتي وفيها صوره طفل حوالي 3 سنين بيضحك ببرائه..يحيي ابني 
لامحت طيفه من بعيد جاي