روايه للكاتبه مريم منصور

حضرة الوالد
وده لية إن شاء الله
ابتسم بسماجه
علشان نتأسف علي التلفيات اللي حصلت دي
وفعلا طالعني وقعد ما أهلي وياريته ما كان قعد ولا فتح بوقه وكر كل حاجة اتصدموا شويه لما عرفوا اني روحت اتعالج أو لسه بشوف المشوار هيبدأ منين بس الصراحه معرفش لكن دعموني وماما زغرطت زغروطين حلوين ولا اكني نجحت في الثانوية بس لما نجحت أصلا معلملتهاش لكن تزغرط وتهلل علشان عقدة بنتها بتتحل ومين قال إنها عقدة ومين قال إنها مش هتجبلي عريسان ده انا حتي عسوله وطيبه وهاديه خالص واهو هدوئي ده يجزب اي حد
بس جيس وات بحب أهلي وبحب نفسي وحابه اني كنت عايزة رحلة كبيرة بس انا قدها وما دام نوي الإنسان علي حاجه يعرف يعملها حتي لو كانت إيه 
لكن الخطوة الصح والوحيدة في كل صعب الصبر
الصبر بداية و اصل كل علاج زي ما ييقولوا مفتاح الڤرج وفي الحقيقه هو مفتاح كل حاجه بالصبر هنعدي الأزمات وبعدها هنكتسب خبرات وبعدها هننضج والعقل الصغير ده بكره يكبر ويعرف إن كل حاجه مش بتيجي من مرة واحده ولا الصعب بيوقع في الطريق علشان يمشيك من هنا بالعكس الصعب بيجي علشان يعلمك تصبر علي سعيك علي جريك واحيانا علي فشلك بيعلمك تصبر وتدور صح علشان في الآخر هتلاقي نتيجة
وهتلاقيها هتلاقيها حتي لو جت غير اللي انت عايزها فأنت صبرت ونولت نتيجة!
اهلا بوش الندم!
متكلمنيش لو سمحت! 
قعد باستغراب
لو سمحت! ايه التطور الرهيب ده
فكيت عقدة حواجبي
بجد إيه رأيك بقيت مؤدبه صح أنا حتي النهارده فيه راجل كان هيشوطني بعربيته فمسكت نفسي بالعافيه وخبطله الباب والازاز بالطوب بس يعني الحمدلله مجبتهاش في دماغه
لأ طبعا الحمدلله احنا لسه هنتأمر ونتنك
قاطعته
منا برضو بقول كدة مش عارفه ليه أصلا مضايقه نفسي علي الفاضي
خبط كفوفه ببعض
ده الفاضي مبسوط منك وعلي كده عدي الراجل الموقف
اه عدي بس مش اوي الصراحه
ليه
كان ناوي يجرجني علي القسم بس محصلش طبعا والحوار عدي
سأل بأستنكار
عدي إزاي يعني عملتي إيه
اكلته باقي الطوب في بوقه
ودلدلت عيني في الأرض ادور علي وضعيه اكسب بيها تعاطف أو
شويه رفق أو
أيلول!! عيدي علشان مسمعتش
يوه يا بدر سمعك تقل علي فكرة ومش بحب اعيد
خب علي ترابيزه بضيق
هتعيدي ازاي يا بجحه هتعيدي ازاي
لكن كلامه وقف في النص لما ظهر صوت سيف بحمقه
حضرة الكابتن بيزعقلها ليه
وربت علي كتفه بسخرية وهو بيقعد جانبه والأتنين قصادي!
سيف بدر أقدملكم بعض وأكيد يعني أنتم عارفني!
بس كنت فاكر هاجي اشوفك لوحدك!
قالهالي سيف فتعدله بدر
ايه وحدك دي ما لهاش رجاله هي!
ملتفتلهوش وسأل وهو ولسه باصصلي
مين البتاع ده
ده بدر!
وبيكلم كتير ليه
انا برضو اللي بتكلم كتير ياض
هشش يا بابا هشش مش عايزين نسمع صوتك المزعج ده
صدق فعلا طلعت بارد زي ما قالت
سأله وهو مازال رافع حاجه وباصص ناحيتي
والله وأيه كمان
وتنح وكان معاها حق والله بس انا اللي اجبرتها تعتذر لواحد زيك
فيه حاجه تاني ولا خلصت
قالها وهو بيقوم بعد ما بصلي بنظره ضايقتني وبعدها مشي بس قبل ما يمشي بص لبدر وأبتسم
أبقي اقعد في قاعدة رجاله بدل قاعدتك مع النسوان علشان بدأت تخيب
واتحرك فبصيتله بعتاب
كدة تضايقه يا بدر
ده طلع قموصه يا ستي اقعدلنا علي جنب
اهو انت اللي قموصه وستين قموصه صبرك عليا بس لما ارجعلك
وقمت اجري ألحقه
سيف استني! 
كان بيحرك عربيته من الركنه فوقفت قصاده بسرعه
متمشيش وانت زعلان انا كان غرضي بس تتعرفوا علي بعض انت صاحب جديد في سكه علينا سوا وبدر احب الناس لقلبي وصاحبي من زمان فكنت