قصة جديدة
الواحد يقعد يبني في نفسه سنين ويتقي ربه ويأدب نفسه علي قد مايقدر ويجي الذنب يهد في لحظة اللي بيبنيه في سنين للدرجادي الذنب حتي لو صغير يهد الإيمان الكبير ..للدرجادي المنتقبة ممكن في لحظة تبقي بتاعة كباريهات للدرجادي إمام الجامع ممكن في لحظة يبقي صاحب كاس مين كان يصدق إن عزيز يوصل بيه الحال لكدة ..مين كان يصدق إن فتنة عزيز تبقي في دينه ! ..
لسة بتحبها
بصيت ورايا لقيتها فاتن كان فيها حاجة متغيرة ..حجابها ! حجابها رجع لورا حبتين ! إبتسمت بسخرية وروحت وقفت قصادها
بس ردت و قالت.....
إنت عارف إني مابشربش ومش هشرب أبدا حقيقي أمرك غريب جدا
منين كنت بتنصحني ماجيش هنا تاني عشان ماتأثرش بالجو هنا ومنين عايزني أشرب ويسكي
هو انت لسة ماتأثرتيش
بضيق أنا مش زيك ياعزيز ! ولا زي فرح
أتمني!
دي حاجة تبسطني ماتزعلنيش.
بتأفف ....
شربت من الكاس اللي في إيدي وبعدين بصتلها وقولتلها ..
شعرك حلو أوي ماكنتش متخيل إنه بالجمال دا ..انت جميلة أوي يافاتن
إتحرجت وارتبكت مش عارف ممكن تكون بتفكر في ايه ..فضلت واقفة جمبي مامشيتش لحد ما انا قولت ..
لأ مش بحبها ولا حتي بفكر فيها ..كل الحكاية إني زعلان عليها مش أكتر!
والله إنت حالة تدعو للإستغراب ياعزيز شاغل نفسك بالناس وناسي نفسك ..ماتزعل علي حالك انت دورلك علي طريقة تلاقي بيها نفسك بدل مانت تايه وبتحاول تلاقي نفسك في الناس
خلاص ركز معاها أكتر
فاتن ...
لما يكون في واحد واقع في بير غرقان فيه ..ويلاقي حد مش شايف وخلاص خطوتين وهيقع في البير واجب عليه يحذره ..يقوله إبعد هتقع ولو وقعت مش هتعرف تطلع أبدا ..
ممكن ياحبيبتي بعد إذنك كدة شوية.
فوقت من سرحاني علي صوت ضحي وهي بتقول الكلام دا لفاتن إتحرجت فاتن ومشيت وجت ضحي وقفت جمبي ..
جرا إيه ياعزيز فيه إيه بينك وبين البت دي مش أول مرة أشوفكوا مع بعض
تفتكري في إيه بينا
أنا اللي بسأل وعايزة أعرف
انت بتحبها ياعزيز ولا إيه
بتأفف ضحي ..إنزلي من علي دماغي أنا مش ناقصك
ياعزيز انا بحبك وخاېفة حد ياخدك مني
أنا مش ملكك عشان حد ياخدني منك أنا ..مش بحبك ياضحي ومش عايزك وكفاية تبقي عاملة زي الغرا ..بتلزقي بس دا انت ماكنتيش لازقة كدة لوليد ياشيخة
وسيبتها أنا ومشيت وروحت قعدت علي ترابيزة لوحدي ..شوية ولقيت وليد جه وقعد جمبي ..
فيه إيه ياعزيز إنت بتحاول تضايقني ولا إيه
باستغراب فيه إيه ..أنا عملت إيه يضايقك
بضيق إنت وضحي إيه النظام
بتأفف ياربنا ..إنتوا مجانين انتوا الاتنين ولا متفقين عليا ضحي مين دي اللي أبصلها يابتاع انت هي اللي بتجري ورايا وعايزة تفهمني انها بتحبني وانا اللي بصدها ولا انت أعمي مابتشوفش
بضيق وليد ..ماتضايقنيش !
طيب خلاص خلاص ..مادام مش بتحبها ماتساعدني إني اتجوزها
انت عايز تتجوزها
أيوة ..انا بحبها
طيب وانا أساعدك ازاي
إقنعها
بسخرية ليه وهي مش عارفاك أو محتاجة حد يقنعها دا انتوا دفنينه سوا ياوليد ..أقولك حطها قدام الأمر الواقع وروح اطلبها من باباها علي طول متهيألي ممكن تفوق من وهم حبها ليا وتكبر انت في نظرها وتوافق وتحلوا عن سمايا انتوا الاتنين
أبوها إيه اللي أروحله واطلبها منه إنت فهمت إيه أنا عايز أتجوزها عرفي
بتقول إيه
بقولك عايز أتجوز ضحي عرفي
پصدمة انت أكيد اټجننت أمال إيه بحبها دي
أيوة مانا عشان بحبها عايزها تبقي ليا وفي نفس الوقت مش هقدر أتجوزها رسمي ..أنا مش جاهز وماظنش أهلي هيوافقوا عليها
تقوم تعمل فيها كدة
أعمل فيها إيه ياعزيز ! انا عايز أتجوزها ..ما العرفي دا جواز برده
پغضب دا عند مين الكلام دا إنت إيه يابني ! ..إنت كل مابتكبر كل ما الشړ جواك يكبر ..إنت حقېر أوي ياوليد
بملل عزيز ! ..إنت كل مابتكتشف حاجة جديدة فيا بتقولي الإسطوانة دي وبعدها بفترة بتعملها عادي جدا ..يعني مش بعيد كمان كام يوم نلاقيك متجوز عرفي انت كمان
...
ماعرفتش أرد عليه أقوله إيه مشيت من قدامه وقررت أروح البيت علي طول ودخلت أوضتي ونمت عشان مافكرش في أي حاجة ..
نفس
